गुजरात

તિરંગા યાત્રા દરમિયાન નીતિન પટેલને ગાયે અડફેટે લેતા થયા ઈજાગ્રસ્ત

કડી શહેરમાં ગાયે એક વિદ્યાર્થી પર હુમલો કર્યાની ઘટના તાજી છે ત્યારે રાજ્યના ભૂતપૂર્વ નાયબ મુખ્યમંત્રી નીતિન પટેલ પણ રખડતા ઢોરની ઝપેટમાં ચડી ગયા છે. રાજ્યના શહેરોમાં રખડતા ઢોરનો ત્રાસ વધી ગયો છે તેમાં કડી શહેર પણ બાકાત નથી. કડી ખાતે આયોજિત તિરંગા યાત્રા દરમિયાન નીતિન પટેલને ગાયે અડફેટે લેતા ઈજાગ્રસ્ત થયા હોવાનું સામે આવ્યું છે.મહેસાણા જિલ્લાના કડીના જાહેર માર્ગો પર મોટી સંખ્યામાં ગાયો અને આખલાઓ અડિંગો જમાવીને બેસી રહે છે.
આ જાનવરો આવતા જતાં રાહદારીઓ તેમજ વાહન ચાલક પર હુમલો કરી તેમને ઘાયલ કરી દેતા હોય છે. જેનો ભોગ આજે નીતિન પટેલ બન્યા છે. કડીમાં આયોજિત તિરંગા યાત્રામાં નીતિન પટેલ સામેલ થયા હતા. તિરંગા યાત્રા શાક માર્કેટ આગળથી પસાર થઇ રહી હતી તે દરમિયાન અચાનક આવી ચડેલ ગાયે નીતિન પટેલ પર હુમલો કરી દેતા ઈજાગ્રસ્ત થયા હતા. ઘાયલ નીતિન પટેલને કડીની ભાગ્યોદય હોસ્પિટલમાં ખસેડવામાં આવ્યા છે જ્યાં તેમની વધુ સારવાર ચાલી રહી છે.

Related Articles

Back to top button