એજ્યુકેશન ટ્રસ્ટના ટ્રસ્ટીઓ અને કર્મચારી વિરુદ્ધ 3.22 કરોડની ઉચાપતની ફરિયાદ | Complaint of embezzlement of Rs 3 22 crore against trustees and employees of education trust
Vadodara : વાઘોડિયા જતા ખટંબા ગામમાં આવેલી વડોદરા જિલ્લા સર્વોદય સેવા મંડળ ટ્રસ્ટના ટ્રસ્ટીઓએ ગેરરીતિ આચરી 3.22 કરોડની ઉચાપત કરી હોવાની અરજી પોલીસે દફ્તરે કરી દેતા કોર્ટમાં ફરિયાદ કરવામાં આવી હતી. કોર્ટના હુકમના આધારે વરણામા પોલીસે દાખલ કરી છે. ટ્રસ્ટમાં એક જ પરિવારના સભ્યો છે.
સુભાનપુરા જૈન મંદિર સામે મનહર પાર્ક સોસાયટીમાં રહેતા કલ્પેશકુમાર કિશોરભાઇ વરણામા પોલીસ સ્ટેશનમાં ફરિયાદ નોંધાવી જણાવ્યું છે કે, હું વડોદરા જિલ્લા સર્વોદય સેવા મંડળ, વડોદરા સાર્વજનિક ટ્રસ્ટનો હોદ્દેદાર ટ્રસ્ટી અને પ્રમુખ છું. તેમજ કલેક્ટર કચેરી કુબેરભવન ખાતે આયોજન શાખામાં સિનિયર પ્રોજેક્ટ એસોસિયેટ કમ કન્સલ્ટન્ટ તરીકે નોકરી કરૃં છું. ટ્રસ્ટના ટ્રસ્ટીઓ, કર્મચારી તથા આચાર્યએ ભેગા મળીને પબ્લિક ચેરિટેબલ ટ્રસ્ટ તથા ટ્રસ્ટ સંચાલિત પાંચ શૈક્ષણિક સંસ્થાઓના ખોટા એવા બેન્ક એકાઉન્ટ ઊભા કરી તે એકાઉન્ટ ઓડિટ રિપોર્ટમાં દર્શાવ્યા નહતા. અલગ-અલગ બેંક ખાતાઓમાંથી સરકાર દ્વારા જુદા જુદા હેડ હેઠળ ફાળવવામાં આવતી ગ્રાંટના નાણામાંથી 15 આરોપીઓએ કુલ 58.47 લાખ બેંક ખાતામાંથી ઉપાડી અંગત ઉપયોગમાં વાપરી નાખ્યા હતા. ટ્રસ્ટ સંચાલિત સંસ્થાઓમાં બાંધકામ કે રિપેરીંગની પરમિશન લીધા વિના અને ઠરાવ કે ટેન્ડર વગરના કામ માટે વેપારીઓને 42.20 લાખ ચૂકવી દીધા હતા. સરકારી ગ્રાંટના 1,00,68,017 તથા વિદ્યાર્થીઓની ફી ના નાણાં રોકડેથી લઇ કુલ 3.22 કરોડની ઉચાપત કરી હતી.
ટ્રસ્ટ દ્વારા સંચાલિત સંસ્થાઓ આ મુજબ છે.
(1) સી.એન.પરમાર ગુરૃકુળ વિદ્યાલય, ખટંબા, વાઘોડિયા
(2) શ્રીમતિ પુષ્પાબેન એમ.ચૌહાણ, અપગ્રેડ માધ્યમિક આશ્રમશાળા, ખટંબા
(3) સી.એન.પરમાર ગુરૂકુળ વિદ્યાલય, ખટંબા
(4) સ્વ.મોંઘીબા છીતાભાઇ પરમાર બી.એડ.કોલેજ, ખટંબા
(5) શ્રીમતિ પુષ્પાબેન એમ.ચૌહાણ આર્ટસ કોલેજ, ખટંબા
(6) શ્રીમતિ પુષ્પાબેન એમ. ચૌહાણ આર્ટ્સ કોલેજ, ખટંબા
(7) પુર્વી રોય પી.ટી.સી. કોલેજ, ખટંબા
(8) સી.એન.પરમાર બી.એડ. કોલેજ, કોલક, ઉદવાડા,જિ.વલસાડ
જે કૌભાંડમાં જે આરોપીઓ સામે ગુનો દાખલ થયો છે. તેમના નામ અને પ્રમુખ સાથેનું સગપણ
(1) બહેન-શીતલબેન અશોકકુમાર મકવાણા (2) બનેવી-અશોકકુમાર બાબરભાઇ મકવાણા (બંને રહે. શિવ ટેનામેન્ટ, ગોત્રી રોડ) (3) બહેન-કલ્પનાબેન જગદીશભાઇ પરમાર (4) બનેવી-જગદીશભાઇ ધનજીભાઇ પરમાર ( બંને રહે. કુબેરેશ્વર સોસાયટી,રાજેશ ટાવર રોડ) (5) બહેન-જીજ્ઞાશાબેન હસમુખભાઇ પટેલ (6) બનેવી-હસમુખભાઇ દેવજીભાઇ પટેલ (બંને રહે. શ્રીજી વિલા ડૂપ્લેક્સ, લક્ષ્મીપુરા રોડ) (7) કાકી-હિરાબેન વિનુભાઇ પરમાર (રહે.હુજરત ટેકરા, ફતેપુરા) (8) ફોઇ-ભારતીબેન જ્યંતિભાઇ પરમાર (રહે. સૌરભ પાર્ક સોસાયટી, સુભાનપુરા) (9) રાજેશભાઇ વાઘેલા (10) રાકેશભાઇ પી.સોલંકી (11) વેદસિંગભાઇ રાઠવા (12) લીલાબેન રાઠવા (13) ગિરીશકુમાર કાનજીભાઇ પટેલ (14) સંદીપ ગોહિલ (15) હંસાબેન જે. ગાવિત
