યુનિ.ની ટેકનોલોજી ફેકલ્ટીના 65 ટકા વિદ્યાર્થીઓનું કેમ્પસ ઈન્ટરવ્યૂમાં પ્લેસમેન્ટ | 65 perecent students get jobs in campus placement in technology faculty of msu

વડોદરાઃ એમ.એસ.યુનિવર્સિટીની ટેકનોલોજી ફેકલ્ટી  ગુજરાતની કેટલીક ટોચની શૈક્ષણિક સંસ્થાઓ પૈકી એક છે જેના વિદ્યાર્થીઓ મોટી સંખ્યામાં દર વર્ષે કેમ્પસ ઈન્ટરવ્યૂમાં જ નોકરી મેળવતા હોય છે.

આ વર્ષે પણ ડિગ્રી એન્જિનિયરિંગના ૫૫૮ વિદ્યાર્થીઓએ કેમ્પસ પ્લેસમેન્ટ માટે રજિસ્ટ્રેશન કરાવ્યું હતું અને તૈ પૈકી ૩૬૩ વિદ્યાર્થીઓને ૧૨૨ કંપનીઓએ નોકરી આપી છે.આમ ફેકલ્ટીના અંતિમ વર્ષમાં ભણતા ૬૫ ટકા વિદ્યાર્થીઓનું અત્યાર સુધીમાં પ્લેસમેન્ટ થઈ ચૂકયું છે.

પ્લેસમેન્ટના કો ઓર્ડિનેટર વંદન રાવ અને ફેકલ્ટી ડીન પ્રો.ધનેશ પટેલનું કહેવું છે કે, હજી ઘણી કંપનીઓના ઈન્ટરવ્યૂ બાકી હોવાથી પ્લેસમેન્ટની ટકાવારી ૮૦ સુધી પહોંચે તેવી શક્યતાઓ છે.આ વર્ષે જોબ માર્કેટમાં ઘણા પડકારો છે અને તકો પણ મર્યાદિત છે.આમ છતા  ટેકનોલોજી ફેકલ્ટીના વિદ્યાર્થીઓને મોટી સંખ્યામાં નોકરી મળી છે.સૌથી વધારે ૧૩.૪૦ લાખનું પેકેજ કોમ્પ્યુટર સાયન્સના એક વિદ્યાર્થીને  મળ્યું છે.જ્યારે સૌથી વધારે પ્લેસમેન્ટ મેળવવામાં મિકેનિકલ એન્જિનિયરિંગના ૧૦૬ વિદ્યાર્થીઓ છે.દરેક વિદ્યાર્થીઓને સરેરાશ ૪.૫ લાખ રુપિયાનું પગાર પેકેજ ઓફર કરવામાં આવ્યું છે.ડીન  પ્રો.ધનેશ પટેલનું કહેવું છે કે, ગત વર્ષ કરતા આ વર્ષે પ્લેસમેન્ટમાં ૧૦ ટકાનો વધારો થવાની શક્યતા છે.

કયા વિભાગના  કેટલા વિદ્યાર્થીઓને કેટલું સરેરાશ પેકેજ

વિભાગ વિદ્યાર્થીઓ સરેરાશ પગાર પેકેજ

આર્કિટેક્ચર ૬ ૩ લાખ

કેમિકલ ૨૫ ૬.૦૬  લાખ

સિવિલ ૨૨ ૪.૨૪ લાખ

મિકેનિકલ ૧૦૬ ૫.૭૪ લાખ

ઈલેક્ટ્રિકલ ૬૫ ૫.૭૧ લાખ

કોમ્પ્યુટર સાયન્સ ૬૩ ૬.૦૪ લાખ

મેટલર્જી ૨૪ ૫.૯૭ લાખ

ટેકસ્ટાઈલ ૨૯ ૪ લાખ