गुजरात
પરિવારની મરજી વિરૃધ્ધ લવમરેજ કરનાર યુવતી બે જ વર્ષમાં પતિના પ્રેમના અતિરેકથી કંટાળી…છૂટવા મદદ માગી | Tired of her husband’s strange behavior the wife sought help to break up with him
વડોદરાઃ પ્રેમ લગ્ન કરનાર એક યુવતી તેના પતિના પ્રેમના અતિરેક થી કંટાળીને હવે છૂટી થવા માટે અભયમની મદદ માગી છે.
શહેરના પશ્ચિમ વિસ્તારમાં રહેતી એક યુવતી ખાનગી ઓફિસમાં નોકરી કરે છે.બે વર્ષ પહેલાં જ તેણે પરિવારની મરજી વિરૃધ્ધ એક યુવક સાથે લવમેરેજ કર્યા હતા.પરંતુ હવે વ્યસન કરતા પતિની હરકતોથી પ્રેમનો નશો ઓસરી રહ્યો છે.
યુવતીએ અભયમની મદદ માગતા કહ્યું હતું કે,મારો પતિ મારી પાછળ ઓફિસ સુધી આવી જાય છે અને કહે છે કે,તું જ્યાં જઇશ ત્યાં હું આવીશ.તારા વગર રહી શકતો નથી, હું મરી જઇશ.તેના અપશબ્દો પણ હવે સાંભળવા ત્રાસદાયક થઇ ગયા છે.હું મારા પિયરમાં પણ જઇ શકતી નથી.
અભયમે પતિનું કાઉન્સેલિંગ કરતાં તે કાંઇ જ સમજવા તૈયાર નહતો.જેથી યુવતીને પોલીસ ફરિયાદ કરવા માટે સમજાવવામાં આવી હતી.
