વડોદરામાં દબાણ હટાવો ઝુંબેશ ફરી શરૂ : રસ્તાને નડતરરૂપ આઠ વાહનો જપ્ત કર્યા | encroachment relief campaign resumes in Vadodara: 8 vehicles seized
Vadodara Corporation : વડોદરા કોર્પોરેશનનું નવું બોર્ડ સત્તા પર આવતાની સાથે કોર્પોરેશન દ્વારા ફરી એકવાર દબાણ હટાવ ઝુંબેશ શરૂ કરવામાં આવી છે.
વડોદરા શહેરના વિવિધ રહેણાક વિસ્તારમાં સ્થાનિક રહીશો માર્જિનની જગ્યામાં ગેરકાયદે બાંધકામ કરે છે. આવા કિસ્સાઓમાં ફરિયાદો થતા તંત્ર એક્શનમાં આવીને ગેરકાયદે દબાણ પર બુલડોઝર ફેરવી દેતા હોય છે. આવી જ રીતે હરણી વારસિયા રીંગરોડની પુરુષોત્તમનગર સોસાયટીમાં માર્જિનની જગ્યામાં સ્થાનિક રહેશે બાથરૂમ બનાવી છેલ્લા કેટલાય સમયથી ઉપયોગ કરી રહ્યાની વારંવાર ફરિયાદોના આધારે પાલિકા તંત્રની દબાણ શાખાએ માર્જિનની જગ્યામાં બનાવેલ બાથરૂમ પર બુલડોઝર ફેરવી દીધું હતું.
સ્થાનિક રહીશો પોતાના મકાનના રૂમ મોટા કરવાના ઇરાદે શૌચાલય અને બાથરૂમ માર્જિનની જગ્યામાં ગેરકાયદે બનાવીને કાયમી ધોરણે ઉપયોગ કરતા હોય છે. આવા જ એક કિસ્સામાં ઘણીવાર છે રીંગ રોડ પર આવેલી પુરુષોત્તમ નગર સોસાયટીમાં સ્થાનિક રહીશે માર્જિનની જગ્યામાં બાથરૂમ બનાવીને ઉપયોગ શરૂ કર્યો હતો. આ અંગે તંત્ર સમક્ષ વારંવાર ફરિયાદો થતી હતી. પરિણામે એક્શનમાં આવેલા તંત્રની દબાણ શાખાએ બુલડોઝર અને ટીમ સાથે ઘટના સ્થળે જઈને માર્જિનની જગ્યામાં બનાવેલા બાથરૂમનું દબાણ બુલડોઝરના સહારે તોડી પાડ્યું હતું. આ વખતે સ્થાનિકોના ટોળા પણ ઘટના સ્થળે એકત્ર થયા હતા પરંતુ પોલીસ કાફલાએ સંયમ દાખવીને ટોળાને હટાવ્યા હતા. આવી જ રીતે શહેરના વિવિધ વિસ્તારમાં પોતાનું વાહન ભંગાર હાલતમાં થઈ ગયું હોવાથી માલિકો બિનવારસી હાલતમાં આવા વાહનને રોડ રસ્તા પર મૂકી દેતા હોય છે. પરિણામે રોડ રસ્તા સાંકડા થતા વાહનચાલકોને તકલીફ પડતી હોય છે જેથી એક્શનમાં આવેલી તંત્રની દબાણ શાખાની ટીમે શહેરના વિવિધ વિસ્તારમાંથી ભંગાર હાલતમાં પડેલી ચાર મોટર કાર, થ્રી વ્હીલ ટેમ્પો બે, અને બે ટુ-વ્હીલર મળીને કુલ 8 વાહન જમા લેવાયા હતા.
