વડોદરામાં મોબાઈલ ફોનની બાબતમાં યુવકનું કારમાં અપહરણ કરી માર મારનાર આરોપીઓ સામે ગુનો દાખલ | FIR registered against accused who kidnapped and beat up young man in Vadodara
Vadodara Crime : વડોદરામાં મિત્રનો પડાવી લીધેલો મોબાઇલ પરત માગતા યુવક પર છ આરોપીઓ તૂટી પડ્યા હતા. કારમાં અપહરણ કરી લઈ જઈ માર મારી જાનથી મારી નાખવાની ધમકી પણ આરોપીઓએ આપી હતી.
ફરિયાદી હેતરાજસિંહ કલ્યાણસિંહ ભાટી નામના યુવકે અટલાદરા પોલીસ સ્ટેશનમાં નોંધાવેલી ફરિયાદમાં જણાવ્યું છે કે, આરોપી પ્રતિકસિંહ રાજપૂત, નીલ સહાની, મિશ્રા, આકાશ થાપા, મનોજ યાદવ અને તરૂણ યાદવ સહિતના લોકોએ તેને અલગ-અલગ સમયે મારપીટ કરી ધમકીઓ આપી હતી. વધુમાં તેને ફરિયાદમાં જણાવવાનું છે કે, દસ મહિના પહેલા મારા મિત્ર શિવાંશ શુક્લાએ મને કહ્યું હતું કે ભીમ તળાવ ભરડવા પાસે નીલ સહાની મને રોકીને મારો મોબાઇલ ફોન લઈ લીધો છે. જેથી હું શિવંશ તથા ભૌતિક સન ફાર્મા રોડ ઉપર ગયા હતા અને મેં ઈનસ્ટાગ્રામ આઈડીથી સહાનીને ફોન પર વાત કરી હતી અને સહાની સાથેના પ્રતીકસિંહ રાજપુતે મને ગાળો બોલી મારી નાખવાની ધમકી આપી હતી.
7 મી તારીખ રાત્રે 12:30 વાગે સનફાર્મા રોડ ઉપર આકાશ થાપા અને મિશ્રા મને મળ્યા હતા. મારી સાથે ઝઘડો કરી તેમના ટુ વ્હીલર પણ વચ્ચે બેસાડીને સન ફાર્મા રોડ રિંગ સર્કલ પાસે ગયા હતા ત્યાંની સહાની, પ્રતીક સિંહ તથા અન્ય આરોપીઓ હાજર હતા કારમાંથી લાકડાનો ડંડો કાઢી મારા પર હુમલો કર્યો હતો. ત્યારબાદ તેની કારમાં બેસાડી મને માર માર્યો હતો. ત્યારબાદ તેઓ મને પ્રતીકની દુકાન પાસે લઈ ગયા હતા અને મારા કપડાં કાઢી વાળ પકડી માર માર્યો હતો અને મારો નગ્ન વિડીયો પણ ઉતાર્યો હતો. આરોપીઓએ મારો મોબાઈલ તથા પર્સમાંથી 2000 રૂપિયા હતા અને ત્યારબાદ મને કારમાં બેસાડી પાછો ટીમ તળાવ ચોકડી પાસે છોડી દીધો હતો. પ્રતીકસિંઘે મને ધમકી આપી હતી એ જોતું પોલીસ કેસ કરીશ તો તને જાનથી મારી નાખીશ.
