गुजरात
મહુવાના લોંગડી ગામ પાસે અકસ્માતમાં યુવકનું મોત | Youth dies in accident near Longdi village in Mahuva
અજાણ્યા વાહન ચાલકે અકસ્માત સર્જ્યો
દાઠા પોલીસ મથકમાં ગુનો નોંધાયો
ભાવનગર – મહુવા તાલુકાના લોંગડી ગામ પાસે અજાણ્યા વાહને અડફેટે લેતા સર્જાયેલા અકસ્માતમાં રાજુલા તાલુકાના લોંગડી ગામના યુવકનું કરૃણ મોત નિપજ્યું છે. બનાવ અંગે દાઠા પોલીસ મથકમાં ફરિયાદ નોંધાઈ છે.
અમરેલી જિલ્લાના રાજુલા તાલુકાના કોટડી ગામે રહેતા ભગવાનભાઈ રામભાઈ બાંભણિયાએ દાઠા પોલીસ મથકમાં અજાણ્યા વાહન ચાલક સામે ફરિયાદ નોંધાવી હતી. જેમાં તેમના કાકાના દિકરા ભાઈ રમેશભાઈ ડાયાભાઈ બાંભણિયા (ઉ.વ.૩૫, રહે. કોટડી, તા.રાજુલા) મહુવાના લોંગડી ગામ પાસે નેશનલ હાઈ-વે પર જનકપુરી વિદ્યાલય લોંગડીથી આરાધ્યા હોટલ આસપાસ ચાલીને જતાં હતા ત્યારે કોઈ અજાણ્યા વાહન ચાલકે તેમને અડફેટે લઈ અકસ્માત સર્જી ગંભીર ઈજા પહોંચાડી મોત નિપજાવ્યું હતું. બનાવ અંગે દાઠા પોલીસે ગુનો નોંધ્યો છે.
