गुजरात
જામનગરમાં પટણીવાડ વિસ્તારમાંથી જાહેરમાં ઘોડિપાસાનો જુગાર રમતાં ચાર આરોપીઓ ઝડપાયા | Four accused arrested for gambling in public from Patniwad area of Jamnagar
Jamnagar Gambling Raid : જામનગરના પટણીવાડ વિસ્તારમાં જાહેરમાં જુગાર રમાતો હોવાની માહિતીના આધારે પોલીસે રેઇડ કરી ચાર વ્યક્તિઓને ઝડપ્યા છે, અને રોકડ રકમ તેમજ જુગારનો સામાન કબજે કર્યો છે.
જામનગરના પટણીવાડ હાથીયા શેરીના ખૂણે કેટલાક લોકો ઘોડીપાસા વડે જુગાર રમતા હોવાનું જણાતાં ગઈકાલે સાંજે સિટી એ. ડિવિઝનની પોલીસ ટીમે દરોડો પાડ્યો હતો.
આ રેડ દરમ્યાન આરોપી અસગર ઇબ્રાહીમભાઈ કુરેશી, બોદુભાઈ હુસેનભાઈ સીપાઈ, મહમદ ઉર્ફે મહાદેવ આમદ રાડ અને કાદરભાઈ હુસેનભાઈ કટારીયા જાહેરમાં પૈસાની હારજીત સાથે જુગાર રમતા ઝડપાયા હતા. પોલીસે આરોપીઓ પાસેથી રોકડ રૂપિયા 10,100 તેમજ જુગાર રમવા માટે વપરાતા ઘોડીપાસા જપ્ત કર્યા છે. આ બનાવ અંગે સીટી એ. ડિવિઝન પોલીસ સ્ટેશન ખાતે જુગારધારા કલમ 12 મુજબ ગુનો નોંધવામાં આવ્યો છે અને આગળની કાર્યવાહી હાથ ધરવામાં આવી રહી છે.
