ISIS કનેક્શન અને ગઝવા-એ-હિંદ! ગુજરાત ATSએ બે આતંકવાદીઓ દબોચ્યા, પાકિસ્તાનથી મંગાવવાના હતા હથિયારો | gujarat ats arrest two radicals ghazwa e hind conspiracy irfan murshid

2 hours ago

0 2 minutes read

Gujarat ATS : ગુજરાત એન્ટી ટેરરિસ્ટ સ્ક્વોડ (ATS) એ દેશ વિરુદ્ધ ચાલી રહેલા એક મોટા ષડયંત્રને નિષ્ફળ બનાવ્યું છે. સોશિયલ મીડિયા પર બાજ નજર રાખી રહેલી એજન્સીએ ઇસ્લામિક કટ્ટરપંથી વિચારધારા ફેલાવતા અને ભારતમાં ગઝવા-એ-હિંદ સ્થાપિત કરવાની નેમ રાખતા બે યુવકોની ધરપકડ કરી છે.

કોણ છે આ ધરપકડ કરાયેલા આરોપીઓ?

ATSએ બાતમીના આધારે બે અલગ-અલગ શહેરોમાંથી આ કટ્ટરપંથીઓને દબોચી લીધા છે.

ઇરફાન કાલેખાન પઠાણ (22 વર્ષ): પાટણ જિલ્લાના સિદ્ધપુરનો રહેવાસી.

મુરશીદ ઝાહીદઅખતર શેખ (21 વર્ષ): મુંબઈના સાકીનાકા વિસ્તારમાં ચિકન બિરયાનીની હોટલ ચલાવે છે.

ISIS કનેક્શન અને ગઝવા-એ-હિંદ! ગુજરાત ATSએ બે આતંકવાદીઓ દબોચ્યા, પાકિસ્તાનથી મંગાવવાના હતા હથિયારો 2 - image

શું હતું તેમનું ખતરનાક પ્લાનિંગ?

પૂછપરછ અને મોબાઈલ ફોનની તપાસમાં જે વિગતો સામે આવી છે તે ચોંકાવનારી છે. તેઓ દેશના રાજકીય નેતાઓ અને RSS (રાષ્ટ્રીય સ્વયંસેવક સંઘ) સાથે સંકળાયેલા લોકોને નિશાન બનાવવા માંગતા હતા. આરોપીઓ પાકિસ્તાન અને અફઘાનિસ્તાનથી હથિયારો મંગાવવાનું અને આતંકી પ્રવૃત્તિઓ માટે ફંડ એકઠું કરવાનું આયોજન કરી રહ્યા હતા. તેઓ RDX અને અન્ય બોમ્બ બનાવવાની ટ્રેનિંગ લેવાની ફિરાકમાં હતા.આ બંને યુવકો ઇન્સ્ટાગ્રામ અને વોટ્સએપ મારફતે ISIS જેવા આતંકી સંગઠનોના સંપર્કમાં હોવાનું ખૂલ્યું છે.

6 મહિનાથી સોશિયલ મીડિયા પર પાથરી હતી જાળ

આ બંને આરોપીઓ છેલ્લા 6 મહિનાથી સક્રિય હતા. તેઓ સોશિયલ મીડિયા પર સમાન વિચારધારા ધરાવતા યુવકોને શોધીને પોતાની એક ટીમ બનાવી રહ્યા હતા. તેમનો અંતિમ ઉદ્દેશ્ય ભારતમાં શરિયત કાયદો લાગુ કરવાનો અને દેશની શાંતિ ડહોળવાનો હતો.

11 દિવસના રિમાન્ડ મંજૂર

ATSએ મહારાષ્ટ્ર પોલીસની મદદ લઈને મુંબઈથી મુરશીદની ધરપકડ કરી હતી. હાલમાં કોર્ટે બંને આરોપીઓના 11 દિવસના રિમાન્ડ મંજૂર કર્યા છે. ATS હવે એ તપાસ કરી રહી છે કે આ નેટવર્કમાં અન્ય કેટલા યુવકો જોડાયેલા છે અને વિદેશમાં બેઠેલા આકાઓ તેમને કેવી રીતે ગાઈડ કરી રહ્યા હતા.

ATS ની કામગીરીની મુખ્ય વિશેષતાઓ

સ્લીપર સેલનો નાશ: ગુજરાત ATS એ અનેક વાર પાકિસ્તાન સ્થિત સંગઠનો (જેમ કે લશ્કર-એ-તૈયબા અને જૈશ-એ-મોહમ્મદ) દ્વારા મોકલવામાં આવેલા સ્લીપર સેલ્સને સક્રિય થાય તે પહેલા જ પકડ્યા છે.

સીમાવર્તી સુરક્ષા: કચ્છ સરહદ અને દરિયાઈ માર્ગે થતા હથિયારો તથા ડ્રગ્સના સ્મગલિંગને રોકવામાં ATS ની ભૂમિકા નિર્ણાયક રહી છે.

સાયબર ઈન્ટેલિજન્સ: હાલમાં જે સિદ્ધપુર અને મુંબઈના યુવકો પકડાયા, તેવી જ રીતે સોશિયલ મીડિયા પર બાજ નજર રાખીને ઓનલાઈન રેડિકલાઈઝેશન રોકવામાં એજન્સી સતત સફળ રહી છે.

તારીખ / વર્ષ	વિગત
મે, 2024	અમદાવાદ એરપોર્ટ પરથી ISIS ના 4 આતંકીઓ: શ્રીલંકન મૂળના 4 આતંકીઓની ધરપકડ કરવામાં આવી હતી, જેઓ ISIS ના ઈશારે હુમલો કરવાની ફિરાકમાં હતા.
જૂન, 2023	પોરબંદર ISIS મોડ્યુલ: પોરબંદરથી સુરતની એક મહિલા સહિત 4 લોકોની ધરપકડ કરી ‘ઈસ્લામિક સ્ટેટ ઓફ ખુરાસાન પ્રોવિન્સ’ (ISKP) ના આંતરરાષ્ટ્રીય નેટવર્કનો પર્દાફાશ કર્યો હતો.
ઓગસ્ટ, 2022	અલ-કાયદા નેટવર્ક: પશ્ચિમ બંગાળના આતંકી મોડ્યુલ સાથે જોડાયેલા અને ગુજરાતમાં સક્રિય અલ-કાયદાના કટ્ટરપંથીઓની ધરપકડ કરવામાં આવી હતી.
જાન્યુઆરી, 2022	કિશન ભરવાડ હત્યા કેસ: ધંધુકાના કિશન ભરવાડની હત્યામાં સામેલ કટ્ટરપંથીઓ અને તેમને હથિયાર પૂરા પાડનાર મૌલવીઓની ધરપકડ કરી મોટા ષડયંત્રનો ખુલાસો કર્યો હતો.
નવેમ્બર, 2021	મોરબી ડ્રગ્સ અને આતંકી કનેક્શન: મોરબીના ઝીંઝુડા ગામેથી 600 કરોડનું ડ્રગ્સ પકડ્યું હતું, જેના તાર પાકિસ્તાની આતંકી આકાઓ સાથે જોડાયેલા હતા.
ઓક્ટોબર, 2020	કમલેશ તિવારી હત્યા કેસના આરોપીઓ: ઉત્તર પ્રદેશના હિન્દુ નેતા કમલેશ તિવારીની હત્યા કરી ગુજરાત ભાગી આવેલા બે મુખ્ય આતંકીઓને ATS એ ગુજરાત-રાજસ્થાન બોર્ડર પરથી ઝડપી પાડ્યા હતા.
માર્ચ, 2019	ISIS ના બે આતંકીઓ (સુરત-વડોદરા): સોશિયલ મીડિયા દ્વારા કટ્ટરપંથી બનેલા બે શખ્સો જેઓ યહુદી પૂજાસ્થળ પર હુમલાનું આયોજન કરી રહ્યા હતા તેમને ઝડપી પાડ્યા હતા.
ઓક્ટોબર, 2017	અંકલેશ્વર ISIS મોડ્યુલ: ભરૂચ અને અંકલેશ્વરમાંથી બે શખ્સોની ધરપકડ કરી હતી જેઓ હુમલો કરવાની તૈયારીમાં હતા.