અમદાવાદ: પ્રેમ આંધળો હોય છે! એક તરફી પ્રેમમાં પાગલ યુવકે જાણીલો કેવું કર્યું કારસ્તાન, હવે પસ્તાવો
અમદાવાદ : કહેવાય છે કે પ્રેમ આંધળો હોય છે. પ્રેમને કોઈ સીમાડા નડતા નથી, અને એમાંય એક તરફી પ્રેમમાં પાગલ લોકો ક્યારેક ના કરવાનુ કામ કરતા હોય છે, અને પછી પસ્તાવાનો વખત આવે છે. આવો જ એક બનાવ શહેરના આંબાવાડી વિસ્તારમાં બન્યો છે. એક તરફી પ્રેમમાં પાગલ યુવાન ભાવનગરથી અમદાવાદ પહોંચ્યો અને યુવતીના ઘરનું સરનામું શોધીને યુવતીના ઘરે પહોંચી ગયો. એટલું જ નહીં જાહેરમાં યુવતીનો હાથ પકડી આઇ લવ યુ કહીને તેની છેડતી કરી.
આંબાવાડી વિસ્તારમાં રહેતી એક યુવતીએ એલિસબ્રિજ પોલીસ સ્ટેશનમાં ફરિયાદ દાખલ કરાવી છે કે, આજથી દોઢેક વર્ષ પહેલા તેના મોબાઈલ નંબર પર દશરથ બારૈયા નામના વ્યક્તિનો whatsapp મેસેજ આવ્યો હતો. જોકે ત્યારબાદ બંને ક્યારેક whatsapp પર વાતચીત કરતા હતા. પરંતુ lockdown દરમિયાન આ યુવતીએ તેના પતિને જાણ થઈ જશે અને ઘરમાં ઝગડા થશે તેવા ડરથી તેની સાથે વાતચીત કરવાનું બંધ કરી દીધું હતું. યુવતીએ વાત કરવાનું બંધ કરી દેતા આરોપી તેને મેસેજ અને ફોન પર વાતચીત કરવા માટે દબાણ કરતો હતો અને ધમકી પણ આપતો હતો.
