શું તમે પણ કપલ ચેલેન્જમાં ફોટા અપલોડ કર્યા છે? તો પોલીસ કરી રહી છે તમને સાવધાન

સોશ્યલ મીડિયામા હાલમા કપલ ચેલેન્જ જેવી અનેક ચેલેન્જનાં નામે ફોટા અપલોડ કરવાનો ટ્રેન્ડ ચાલ્યો છે. થોડાક દિવસોથી કપલ ચેલેન્જ, ફેમિલી ચેલેન્જ, ડોટર ચેલેન્જ, સન ચેલેન્જ, સોફા ચેલેન્જ સહિતની ટ્રેન્ડિંગ ચેલેન્જમાં અંગત ફોટાઓ સોશિયલ સાઈટ પર ધડાધડ મુકવાથી સાયબર ક્રાઈમને (Cyber crime) સામે ચાલીને આમંત્રણ આપવા જેવુ છે. પોલીસ દ્વારા આવા લોકોને ચેલેન્જાથી દૂર રહેવા અપીલ કરાઈ છે.

સોશિયલ મીડિયામાં પરિવાર સાથેની તસવીરોને અસામાજીક તત્વો મોર્ફ કરી તેનો ગેરઉપયોગ પણ કરતા હોય છે. ત્યારે ગુજરાતનાં વિવિધ જિલ્લાઓના પોલીસે આ દિશામા પણ લોકોને જાગૃત રહેવા અપીલ કરી છે. લોકોને સાયબર સલામતીના નિયમો જાણ્યા પછી જ સોશ્યલ મિડીયા પર એકટીવ થવા અનુરોધ કરાયો છે. આ અંગે પોલીસે જણાવ્યું કે, આ ટ્રેન્ડમાં શેર કરેલા ફોટાનું દુરપયોગ થઈ શકે છે. જેથી, લોકોએ સાવાધ રહેવાની જરૂર છે. પોલીસે જણાવ્યું હતુ કે, લોકોએ આવા ચેલેન્જનો સ્વીકાર ન કરવો જોઈએ અને ફોટાઓ અપલોડ ન કરવા જોઈએ.

ભરૂચ પોલીસે ટ્વિટ કરીને સાવધ રહેવાનું જણાવતા કહ્યું છે કે, જેમ પાણીમાં તરતા ના આવડે તો ડૂબી જવાય છે, તે રીતે સોશિયલ મીડિયામાં ચાલતા ખોટા ટ્રેંડમાં સમજ્યા વગર પડવાથી cyber crimeનો ભોગ બની જવાય છે.