વડોદરાની સંસ્થામાં ચાર મહિનાથી રહેતા કિશોરના ફોટા પરથી મુંબઇ પોલીસે પરિવારને શોધી કાઢ્યો | Mumbai police traced the family from the teenager’s photo
વડોદરાઃ ઘરમાંથી નીકળી ગયેલા એક કિશોરને ચાર મહિના બાદ તેના પરિવારને સુરક્ષિત રીતે સોંપવામાં આવ્યો છે.
મુંબઇના મુંબ્રા ખાતે રહેતો કિશોર ચાર મહિના પહેલાં ઘરમાંથી નીકળી ગયો હતો. કિશોર તેના મામાને ત્યાં રહેતો હતો પણ ત્યાં પણ ઝઘડો કરીને ઘર છોડી ગયો હતો.
વડોદરામાં મળી આવેલા કિશોરને સમાજ સુરક્ષા સંકુલમાં રાખવામાં આવ્યો હતો અને ચાઇલ્ડ વેલફેર કમિટિ દ્વારા અવારનવાર કાઉન્સેલિંગ કરવામાં આવ્યું હતું.પરંતુ કિશોર ગોળગોળ જવાબ આપતો હતો.
આખરે મેહુલ લાખાણી અને ટીમે મુંબઇના જુદાજુદા પોલીસ સ્ટેશનોમાં ફોટા અને માહિતી મોકલી હતી.જેમાં કિશોરના મામાના ઘર પાસે સ્કૂલ અને પેટ્રોલ પંપ હોવાની વિગતો પણ જણાવાઇ હતી.મુંબઇ પોલીસે મુંબ્રામાં સ્કૂલ અને પેટ્રોલપંપ વાળી જગ્યાએ રમતા બાળકોને ફોટો બતાવતાં તેમણે કિશોરને ઓળખી બતાવ્યો હતો અને ત્યારબાદ તેના પરિવારને સુરક્ષિત રીતે સોંપવામાં આવ્યો હતો.
