રૂ.12 હજારના ડ્રગ્સ સાથે યુવક પકડાયો ટ્રેનમાંથી રૂ.99 હજારનો ગાંજો પકડાયો | A tori ren ekkewe safeien opuchopuch mi tori Rs 12 ngerou
અમદાવાદ, શુક્રવાર
રખિયાલમાંથી પોલીસે રૃા. 12 હજારના 4.200 ગ્રામ એમડી ડ્રગ્સ સાથે બાપુનગરના યુવકને ઝડપી પાડયો હતો. પોલીસ તપાસમાં નશાના રવાડે ચઢેલા યુવકે ડ્રગ્સના ધંધામાં ઝંપલાવ્યું હતું. આ નશીલો પદાર્થ કાલુપુર રેલવે સ્ટેશન પાસેથી અજાણ્યા શખ્સ પાસેથી લાવતો હતો. જ્યારે કાલુપુર રેલવે સ્ટેશને તામિલનાડુથી આવેલી નવજીવ એક્સપ્રેસ ટે્રનમાંથી બિનવારસી હાલતમાં રૃા. 99 હજારનો 1 કિલો 980 ગ્રામ ગાજો મળી આવ્યો હતો. આ બન્ને બનાવમાં પોલીસે ગુનો નોંધીને ફરાર આરોપીની શોધખોળ હાથ ધરી છે.
કાલુપુર રેલવે સ્ટેશનથી 1 કિલો 980 ગ્રામ ગાંજો મળ્યો
રખિયાલ પોલીસે ચોક્કસ બાતમી મળી હતી કે બેનર એસ્ટેટ પાસે એક શખ્સ ટુ-વ્હીલર લઇને ડ્રગ્સનો જથ્થો વેચવા આવાનો છે. જેના આધારે પોલીસે વોચ ગોઠવીને શંકાસ્પદ યુવકને પકડી પાડયો હતો. તેની પૂછપરછ કરતાં યુવક બાપુનગરમાં રહેતો હોવાનું બહાર આવ્યું હતું. યુવક અને ટુ-વ્હીલરની તપાસ કરતા ડેકીમાંથી પ્લાસ્ટીકની બેગમાંથી રૃા. 12,600ની કિમતનું 4.200 ગ્રામ એમડી ડ્રગ્સ મળી આવ્યું હતું. જેથી પોલીસે આરોપી પાસે થી કુલ રૃા. 72,600નો મુદ્દામાલ કબજે કર્યો હતો. આરોપીની પૂછપરછ કરતા તે ડ્રગ્સનો નશો કરતો હોવાથી કાલુપુર રેલ્વે સ્ટેશન પાસેથી અજાણ્યા શખ્સ પાસેથી લાવ્યો હતો. એટલું જ નહી નશો કરવા તે ડ્રગ્સ લાવીને વેચતો પણ હતો.
બીજા બનાવમાં કાલુપુર રેલવે સ્ટેશને તામિલનાડુથી આવેલી નવજીવ એક્સપ્રેસ ટે્રનમાંથી બિનવારસી હાલતમાં રૃા. 99 હજારનો 1 કિલો 980 ગ્રામ ગાજો મળી આવ્યો હતો. આ કાલુપુર પોલીસે ગુનો નોંધીને ફરાર આરોપીની શોધખોળ હાથ ધરી છે.
