CCTV: ગોધરાના ટુવા ગામ નજીક બસ અને બાઈક વચ્ચે ભયાનક ટક્કર, એકનું ઘટનાસ્થળે મોત | Fatal Road Accident Near Godhra: ST Bus Hits Bike One Dead and One Critical
Road Accident In Godhra: પંચમહાલ જિલ્લાના ગોધરા નજીક આવેલા ટુવા ગામ પાસે એક એસ.ટી. બસ અને બાઈક વચ્ચે ગંભીર અકસ્માત સર્જાયો હતો. આ ભયાનક ટક્કરમાં બાઈક સવાર એક વ્યક્તિનું ઘટનાસ્થળે જ કમકમાટીભર્યું મોત નીપજ્યું હતું, જ્યારે અન્ય એક વ્યક્તિને ગંભીર ઈજાઓ પહોંચી છે. આ ચોંકાવનારો અકસ્માત નજીકમાં લાગેલા સીસીટીવી (CCTV) કેમેરામાં લાઈવ કેદ થયો છે.
મળતી માહિતી અનુસાર, ટુવા ગામના મુખ્ય માર્ગ પરથી પસાર થઈ રહેલી બસ અને બાઈક વચ્ચે કોઈ કારણોસર જોરદાર અકસ્માત થયો હતો. અકસ્માત એટલો સ્પીડમાં હતો કે બાઈક પર સવાર બંને વ્યક્તિઓ રોડ પર ફંગોળાયા હતા. જેમાં એક વ્યક્તિએ ઘટનાસ્થળે જ મોત નીપજ્યું હતું. જ્યારે અન્ય એક વ્યક્તિને શરીરે ગંભીર ઈજાઓ પહોંચતા સ્થાનિક લોકોની મદદથી તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યો છે, જ્યાં તેની હાલત નાજુક હોવાનું જાણવા મળી રહ્યું છે.
આ દુર્ઘટના રોડની આસપાસ લાગેલા CCTV કેમેરામાં કેદ થઈ ગઈ છે. પોલીસ દ્વારા આ સીસીટીવી ફૂટેજ કબજે કરીને અકસ્માત કઈ રીતે સર્જાયો અને કોની ભૂલ હતી તેની સઘન તપાસ શરૂ કરવામાં આવી છે.
