IPL ક્રિકેટનો સટ્ટો રમાડતા યુવકને વડસર બ્રિજ ચાર રસ્તેથી ઝડપ્ | A young man was arrested for betting on IPL cricket on the Vadsar Bridge
Vadodara : હાલમાં ચાલી રહેલી આઈપીએલ ક્રિકેટ અંગે રાજસ્થાન રોયલ અને ગુજરાત ટાઈટન વચ્ચે રમાએલી મેચ અંગે વડસર બ્રિજ નજીક ચાર રસ્તે મોબાઈલ ફોનથી ક્રિકેટ સટ્ટો રમાડતા યુવકને પોલીસે રંગે હાથ ઝડપીને મોબાઇલ ફોન કબજે કર્યો હતો. સટોડીયાના મોબાઇલમાં બેલેન્સ રૂ.478000 અંગે પોલીસે તપાસ શરૂ કરી હતી.
પોલીસનો કાફલો રાત્રે પેટ્રોલિંગમાં નીકળ્યો હતો ત્યારે વડસર બ્રીજ ચાર રસ્તા પાસે પોલીસ કાફલો પહોંચ્યો હતો. બાતમી આધારે હરેશ ઠક્કર (રહે. કાન્હા હાઇટ્સ, એમ એમ વોરા શોરૂમની બાજુમાં, સોમા તળાવ ચાર રસ્તા) આઈપીએલની રાજસ્થાન રોયલ્સ અને ગુજરાત ટાઇટન વચ્ચે રમાતી મેચનો મોબાઈલથી સટ્ટો રમાડતા પોલીસે રંગે હાથ ઝડપી પાડ્યો હતો. પ્રાથમિક પૂછપરછમાં હરેશ ઠક્કરે જણાવ્યું હતું કે પોતાની રીતે આઈડી બનાવીને ઓનલાઇન સટ્ટો રમાડતો હોવાની કબુલાત કરી હતી. બનાવ અંગે પોલીસે સટોડીયાની ધરપકડ કરી હતી. કબજે કરેલા મોબાઈલમાં રૂપિયા 47,800ના મળેલા બેલેન્સ અંગે પોલીસે વધુ તપાસ શરૂ કરી હતી.
