गुजरात
ન્યુ વીઆઇપી રોડ પર ખોદકામને કારણે લોકોને અડચણ,કારે ટક્કર મારતાં રિક્ષા પલ્ટી ગઇઃ દંપતીને ઇજા | couple injured due to ricshaw turnout
વડોદરાઃ ન્યુ વીઆઇપી રોડ પર ગઇરાત્રે બનેલા અકસ્માતના બનાવમાં રિક્ષા પલટી જતાં દંપતીને ઇજા થઇ હતી.જેથી પોલીસે કાર ચાલક સામે ગુનો નોંધ્યો છે.
ન્યુ વીઆઇપી રોડ પર વ્હાઇટ વુડાના મકાનમાં રહેતા વિજયભાઇ ઓડે પોલીસને કહ્યું છે કે,મારી પત્નીને લઇ હું રિક્ષામાં ઘેર જઇ રહ્યો હતો ત્યારે પાંજરાપોળ જતા ગ્રામીણ બેન્ક પાસે સામેથી આવતી એક કારે ટક્કર મારતાં રિક્ષા પલટી ગઇ હતી.
અકસ્માત થતાં અમને બંનેને ઇજાઓ પહોંચી હતી.કાર ચાલક પણ ત્યાં ઉભો રહી ગયો હતો,જેથી પૂછતાં તેનું નામ અચલ જિગ્નેશ પટલે(પાવન ધામ સોસાયટી, ગોરવા)હોવાનું જાણવા મળ્યું હતું.હરણી પોલીસે આ અંગે ગુનો નોંધ્યો છે.
