गुजरात
મોલમાં નોકરી કરતી મહિલાએ ઝેર પી લેતા મોત | Woman working in mall dies after consuming poison
વડોદરા,મોલમાં નોકરી કરતી મહિલાએ રાત્રે ઝેરી દવા ગટગટાવી લેતા તેઓનું મોત થયું છે. જે અંગે પોલીસે તપાસ હાથ ધરી છે.
પોલીસ સૂત્રો દ્વારા મળતી માહિતી મુજબ, વાઘોડિયારોડ દશામાતાના મંદિરની સામે મનન કોમ્પલેક્સમાં રહેતા પ્રિયંકાબેન મહેન્દ્રભાઇ મિસ્ત્રી (ઉં.વ.૩૭) તરસાલી વિસ્તારના એક મોલમાં નોકરી કરે છે. તેઓના પતિ ફૂડ ડિલીવરી બોય તરીકે કામ કરે છે. પ્રિયંકાબેને તેમણે ગઇકાલે રાત્રે ૧૦ વાગ્યે ઝેરી દવા ગટગટાવી લેતા તેઓની તબિયત લથડી હતી. તેઓને સારવાર માટે ખાનગી હોસ્પિટલમાં લઇ જવામાં આવ્યા હતા. પરંતુ, ટૂંકી સારવાર દરમિયાન તેઓનું મોત થયું છે. પોલીસનું કહેવું છે કે, તેઓએ કયા કારણસર દવા પી લીધી તે અંગે હજી જાણી શકાયું નથી. તેઓના મોબાઇલની તપાસ ચાલી રહી છે.
