गुजरात
ઇલોરાપાર્કના કોમ્પ્લેક્સના છઠ્ઠા માળે સ્પા સેન્ટરમાં આગ લાગતા અફરાતફરી, ભાગવા જતા લિફ્ટમાં ફસાયા | A fire broke out in the spa center on the sixth floor of the Elorapark complex
Vadodara Fire : વડોદરાના વધુ એક બહુમાળી બિલ્ડિંગમાં આજે બપોરે આગનો બનાવ બનતા ફાયર બ્રિગેડને રેસ્ક્યુ કરવું પડ્યું હતું. સારા નસીબે આ બનાવમાં લોકો સમયસર બહાર નીકળી જતા મોટી જાનહાની થતા રહી ગઈ હતી.
ઇલોરાપાર્ક વિસ્તારમાં આઈનોક્સ નજીક આવેલા એવરેસ્ટ ઓનિક્સ નામના કોમ્પલેક્ષના છઠ્ઠા માળે સ્પા સેન્ટરમાં કોઈ કારણસર આગ લાગતા લોકો બહાર દોડી ગયા હતા. આગને કારણે સ્પા સેન્ટરના ફર્નિચર તેમજ સામાનને નુકસાન થયું હતું અને ધુમાડાના ગોટે ગોટા છવાયા હતા.
નાસભાગ મચી તે દરમિયાન કેટલાક લોકો લિફ્ટમાં નીચે ઉતારવા જતા વીજ પુરવઠો ખોરવાઈ ગયો હતો અને લિફ્ટ ઠપ થઈ ગઈ હતી. આ દરમિયાન ફાયર બ્રિગેડ આવી જતા એક ટીમે આગ કાબુમાં લેવા માટે કામગીરી શરૂ કરી હતી અને બીજી તરફ લિફ્ટમાં ફસાયેલા ત્રણ જણાને બહાર કાઢ્યા હતા.
