શિનોર હની ટ્રેપના કિસ્સામાં મુખ્ય આરોપીઓ પોલીસની પકડથી દૂર | Main accused in Sinor honey trap case escape police custody
Sinor Honey Trap Case : શિનોર પોલીસ મથકે નોંધાયેલ ચકચારી હની ટ્રેપ જેવા ગુનામાં મદદગાર આરોપીઓ પકડાયા પણ મુખ્ય આરોપીઓ ત્રણ માસ થયા છતાં પકડાતા નથી.
શિનોર પોલીસ મથકે તારીખ 6 ફેબ્રુઆરી 2026 ના રોજ શિનોરના ફરિયાદી હરેશ રણછોડ પટેલે 9 આરોપીઓ સામે રૂપિયા 75,75,550 બ્લેકમેલિંગ કરી લઈ ગયાની ફરિયાદ કરી હતી. જેની તપાસ ઇન્ચાર્જ પી.આઈ. ડી.આર.ભાદરકા કરી રહ્યા હતા. તથા બે આરોપી અનવર મન્સૂરી અને સલીમ ઉર્ફે બતકની ધરપકડ કરી રિમાન્ડ દરમિયાન રૂ.4,18,000 નો મુદ્દામાલ કબજે કર્યો હતો. પછી આરોપી આશિક સિકંદર પઠાણ જેના હાથે આ તમામ રૂપિયા અપાયા હતા તેની ધરપકડ કરી રિમાન્ડ દરમિયાન 14 લાખનો રોકડ સહિત મુદ્દામાલ કબજે કર્યો હતો. ચોથા આરોપી આશિક પઠાણનો પુત્ર અશફાક પઠાણને રિમાન્ડ પુરા થતાં જામીન પર મુક્ત થયેલો હતો.
નવા પી.આઇ. આર.આર.વસાવાએ ચાર્જ લીધોએ દરમિયાન તપાસમાં ખુલેલ અન્ય મુખ્ય આરોપી શૈલેષ વસાવાને LCB પોલીસે ઝડપી શિનોર પોલીસને સોંપેલ છે. રિમાન્ડ દરમિયાન શૈલેશ વસાવા પાસેથી રૂ.2,13,000 ની લકી, રૂપિયા 5 લાખની ગાડી રૂ.40,000 રોકડા તથા 3 લાખના ઘરેણા સીઝ કરવામાં આવ્યા હતા. આમ અત્યાર સુધી કુલ રૂપિયા 28,68,000 રીકવર થયા. રિમાન્ડ દરમિયાન ખુલેલા અન્ય પાંચ આરોપીઓ જેમાં આકાશ વસાવા (મનીષાનો બનેવી ), પ્રકાશ વસાવા (સહેલીનો પતિ), હરદીપસિંહ ધરીયા (મનીષાનો ભાઈ), નિશાબેન વસાવા (મનીષાની સહેલી), લક્ષ્મીબેન ઠાકોર પટેલ (મનીષાની માતા) શિનોર પોલીસે ઝડપી પાડી રૂ.16,500 નો મુદ્દામાલ અને એક મોબાઈલ જપ્ત કર્યો છે.
પરંતુ ત્રણ માસને ત્રણ દિવસ થયા હોવા છતાં મુખ્ય આરોપી મનીષા ઉર્ફે શાંતાબેન વસાવા, રાજપારડી પકડવાની બાકી છે, તે ઉપરાંત આશિકનો ભાઈ અહેમદ જેને રૂપિયા 8 લાખ લીધેલા, માલસર માંડવા વચ્ચે આવેલ મહારાજનું મકાન ગુનામાં સામેલ હોય તે મહારાજ, અન્ય એક લંગડો અને આશિકની અલ્ટો ગાડી, ઉપરાંત અન્યોની શોધખોળ ચાલુ છે. તારીખ 6 ફેબ્રુઆરી 2026 ના રોજ ગુનો નોંધાયાને આજે ત્રણ માસ ઉપરાંતનો સમય થયો હોવા છતાં મુખ્ય આરોપી પોલીસ પકડથી દૂર છે, પોલીસ ઇન્સ્પેક્ટર આર.આર.વસાવા તથા તેમની ટીમ બાકી આરોપીઓ ઝડપી પાડીને પૂરેપૂરી રકમ વસૂલ કરી ગુનો ડિટેક્ટ કરે એવી માંગ છે.
