વડોદરા પાલિકાના વોર્ડ નં.16માં પરિણામ : ભાજપ-કોંગ્રેસના ફાળે બે-બે બેઠકો | Results in Ward No 16 of Vadodara Municipality: BJP Congress win two seats each
Vadodara Corporation Election :વડોદરા મ્યુનિસિપલ કોર્પોરેશનની 2026ની ચૂંટણીમાં વોર્ડ નંબર 16માં સમતોલ પરિણામ સામે આવ્યું છે, જ્યાં ભાજપ અને કોંગ્રેસ બંને પક્ષોએ બે-બે બેઠકો જીતી છે.
કોંગ્રેસ પક્ષ તરફથી અલકાબેન પટેલે 15,546 મત મેળવી વિજય મેળવ્યો છે, જ્યારે ચંદ્રકાંત શ્રીવાસ્તવે 17,223 મત સાથે સૌથી વધુ લીડથી જીત નોંધાવી છે. ખાસ નોંધનીય બાબત એ છે કે ચંદ્રકાંત શ્રીવાસ્તવ સતત 9 ટર્મથી આ વોર્ડમાં વિજેતા બની રહ્યા છે, જે તેમની મજબૂત પકડ દર્શાવે છે.
બીજી તરફ ભાજપના જાગૃતિબેન પટેલે 15,707 મત અને વિજયભાઈ ચૌહાણે 14,265 મત મેળવી જીત મેળવી છે. ભાજપે પણ મજબૂત પ્રદર્શન કરીને બે બેઠકો પોતાના ખાતામાં જાળવી રાખી છે.
પરાજિત ઉમેદવારોમાં ભાજપના રાજીવરંજન ત્રિપાઠીને 14,406 મત અને સરસ્વતીબેન દેસાઈને 13,160 મત મળ્યા હતા. જ્યારે કોંગ્રેસના ચાંદની સોનવડેને 13,940 મત અને ગોપાલભાઈ રબારીને 14,154 મત મળ્યા હોવા છતાં તેઓ જીતથી વંચિત રહ્યા છે.
આ પરિણામો દર્શાવે છે કે વોર્ડ નં. 16માં મતદારોે બંને પક્ષો પર સમાન વિશ્વાસ વ્યક્ત કર્યો છે.
