યુનિ.માં તા.૧૬ થી ૧૮ મે દરમિયાન એફવાયની પ્રવેશ પરીક્ષાઓ લેવાશે | all entrance test for admission in msu will be carried in may
વડોદરાઃ એમ.એસ.યુનિવર્સિટી સત્તાધીશોએ નવા શૈક્ષણિક વર્ષમાં પ્રવેશ માટેની કવાયત અત્યારથી શરુ કરી દીધી છે.જીકાસ પોર્ટલ થકી એડમિશન સમયસર થાય તે માટે સરકારે તમામ યુનિવર્સિટીઓને જે પણ અભ્યાસક્રમમાં મેરિટ સિવાય એન્ટ્રન્સ ટેસ્ટ થકી પ્રવેશ અપાતો હોય તે તમામ અભ્યાસક્રમની પ્રવેશ પરીક્ષાઓ વહેલી તકે પૂરી કરવા માટે સૂચના આપી છે.
જેના ભાગરુપે યુનિવર્સિટી સત્તાધીશોએ તમામ ફેકલ્ટી ડીનની બેઠક બોલાવીને આ મુદ્દે ચર્ચા કરી હતી.જેમાં લેવાયેલા નિર્ણય પ્રમાણે યુનિવર્સિટીની વિવિધ ફેકલ્ટીઓમાં તા.૧૬ થી ૧૮ મે દરમિયાન એફવાયમાં પ્રવેશ માટે ૨૩ પ્રવેશ પરીક્ષાઓ લેવામાં આવશે.સૌથી મોટી કોમર્સ ફેકલ્ટીમાં તા.૧૬ મેના રોજ એફવાયબીકોમમાં પ્રવેશ માટે પહેલી વખત પ્રવેશ પરીક્ષા લેવામાં આવશે.
આ પ્રવેશ પરીક્ષાઓ આપનારા વિદ્યાર્થીઓએ જીકાસની સાથે સાથે યુનિવર્સિટીના પોર્ટલ પર પણ રજિસ્ટ્રેશન કરાવવું ફરજિયાત છે.જીકાસ પર રજિસ્ટ્રેશન શરુ થતાની સાથે જ એક-બે દિવસની અંદર યુનિવર્સિટીના પોર્ટલ પર પણ રજિસ્ટ્રેશન શરુ કરી દેવાશે.વિદ્યાર્થીઆને જે તે ફેકલ્ટીમાંથી પ્રવેશ પરીક્ષા અંગે જાણકારી મળશે.આ સિવાય યુનિવર્સિટીની વેબસાઈટ પર પણ જાણકારી ઉપલબ્ધ કરાવાશે.
કઈ ફેકલ્ટીમાં કઈ પરીક્ષા ક્યારે લેવાશે
–આર્ટસમાં જર્મન વિભાગની પ્રવેશ પરીક્ષા તા.૧૬ મે, સવારે ૯ થી ૧૧
–કોમર્સમાં બીબીએની પ્રવેશ પરીક્ષા ૧૭મે, બપોરે ૧૨ થી ૨, એફવાયબીકોમની પરીક્ષા તા.૧૬ મે, સવારે ૧૦ થી ૧૧
–ફાઈન આર્ટસમાં બેચલર ઓફ વિઝ્યુઅલ આર્ટસ અને ડિઝાઈનની એપ્લાઈડ આર્ટસ, એસેસેરી ડિઝાઈન, પેઈન્ટિંગ, ક્રાફ્ટ એન્ડ ડિઝાઈન, આર્ટસ હિસ્ટ્રી, કોમ્યુનિકેશન ડિઝાઈન, સ્કલ્પચર, મૂવિંગ ઈમેજની પ્રવેશ પરીક્ષા તા.૧૬ થી ૧૮ મે દરમિયાન સવારે ૯ થી ૧૧, બપોરે ૧૨ થી ૨, સાંજે ચાર થી ૬ એમ ત્રણ સ્લોટમાં
–લો ફેકલ્ટીમાં પાંચ વર્ષના ડિગ્રી પ્રોગ્રામની પ્રવેશ પરીક્ષા તા.૧૬મે, સાંજે ચાર થી ૬
–પરફોર્મિંગ આર્ટસમાં બેચલર ડિગ્રી કોર્સ માટે મ્યુઝિક, ડાન્સ, ઈન્સ્ટ્રુમેન્ટ, ડ્રામેટિકસ, તબલા, ડાન્સ બ્રાન્ચ માટે પ્રવેશ પરીક્ષા તા.૧૬ થી ૧૮ મે, સવારે ૯ થી ૧૧, બપોરે ૧૨ થી ૨, સાંજે ચાર થી ૬ એમ ત્રણ સ્લોટમાં
–સાયન્સ ફેકલ્ટીમાં બેચરલ ઓફ કોમ્પ્યુટર એપ્લિકેશનની પરીક્ષા તા.૧૬ મેના રોજ સાંજે ૪ થી ૬, પાંચ વર્ષના એમએસસી ડેટા સાયન્સની પરીક્ષા ૧૭ મેના રોજ સાંજે ૪ થી ૬ અને પાંચ વર્ષના એમએસસી સેલ એન્ડ મોલેક્યુલર બાયોલોજીની પરીક્ષા તા.૧૬ મેના રોજ બપોરે બે થી ચાર
–સોશ્યલ વર્કમાં પાંચ વર્ષના ઈન્ટિગ્રેટેડ કોર્સની પરીક્ષા તા.૧૭ મે, સાંજે ચાર થી ૬
