વડોદરાના ડભોઈ રોડ પર દારૂના કટીંગની તૈયારી કરતા બે આરોપી ઝડપાયા | Two accused arrested while preparing to cut liquor on Dabhoi Road Vadodara

Vadodara Liquor Crime : વડોદરા એલસીબી ઝોનના સ્ટાફને માહિતી મળી હતી કે ડભોઇ રોડ મહાનગર ગુડાના મકાન સામે સમૃદ્ધ સાફલ્ય કોમ્પલેક્ષના બેઝમેન્ટના પાર્કિંગમાં ઉત્તમ જયસ્વાલ તથા અભય જાદવ વિદેશી દારૂનો જથ્થો કારમાં ભરીને કટીંગની રાહ જોઈ રહ્યા છે. જેથી પોલીસે ઉપરોક્ત સ્થળે જઈને રેડ કરતા દારૂની 599 બોટલ કિંમત રૂપિયા 2.52 લાખ મળી આવી હતી. પોલીસે દારૂ અને બે મોબાઈલ અને કાર મળી કુલ 3.82 લાખનો મુદ્દા માલ કબજો કર્યો છે.

આરોપી ઉત્તમ શિવપાલભાઈ જયસ્વાલ (રહે-મનસ્વી એપાર્ટમેન્ટ, કલાદર્શન ચાર રસ્તા પાસે, વાઘોડિયા રોડ) તથા અભય દિનેશભાઈ જાદવ (રહે-ગોકુલ નગર, ગોમતીપુરા, ગાજરાવાડી) ને ઝડપી પાડ્યા છે. જ્યારે સંદીપ રાજુભાઈ રાજપુત તેમજ મયુર ઉર્ફે વીકી કનોજીયાને પોલીસે વોન્ટેડ જાહેર કર્યા છે.