गुजरात
વડોદરા જિલ્લાની સ્થાનિક સ્વરાજ્યની ચૂંટણીઓમાં ભય અને ધમકીના કિસ્સાઓની તપાસની માગ | Demand for investigation into cases of fear and intimidation in local body elections
વડોદરાઃ વડોદરા જિલ્લાની સ્થાનિક સ્વરાજ્યની ચૂંટણીઓમાં ભય અને ધમકીના માહોલની તપાસ કરવા માટે કોંગ્રેસ દ્વારા જિલ્લા કલેક્ટરને આવેદનપત્ર આપવામાં આવ્યું હતું.
જિલ્લા કોંગ્રેસના પ્રમુખ અને પાદરાના પ્રભારી સહિતના હોદ્દેદારોએ કહ્યું છે કે, વડોદરા જિલ્લાના આઠ તાલુકાઓમાં ફોર્મ ભરતા રોકવા તેમજ ફોર્મ પાછા ખેંચાવવા માટે ભાજપને ઇશારે પોલીસ અને તંત્રએ કામ કર્યું હોવાના કિસ્સા બનેલા છે.
આ બાબતે તાલુકા કક્ષાના ચૂંટણી અધિકારીઓ સમક્ષ રજૂઆતો કરવામાં આવી હોવા છતાં કોઇ કાર્યવાહી કરવામાં આવી નથી.તા.૧૩મી એપ્રિલથી આ પ્રકારની હેરાનગતિના બનાવો બની રહ્યા છે.જેથી જાણે તંત્ર જ ચૂંટણી લડી રહ્યું હોય તેમ લાગી રહ્યું છે.તો આવા કિસ્સાઓની તાકિદે અને તટસ્થ રીતે તપાસ કરી પગલાં લેવા જોઇએ.
