જામનગરમાં મચ્છર નગરના મકાન પર દારૂનો દરોડો : 20 નંગ ઇંગ્લિશ દારૂની બોટલોનો જથ્થો પકડાયો | Liquor raid on a house in Machhar Nagar in Jamnagar: 20 bottles of English liquor seized

Jamnagar Liquor Raid : જામનગરમાં મચ્છર નગર વિસ્તારમાં રહેતા એક દારૂના ધંધાર્થીના રહેણાક મકાન પર પોલીસે દારૂ અંગે દરોડો પાડયો હતો, અને મકાનમાંથી 20 નંગ નાની મોટી ઇંગ્લિશ દારૂની બોટલોનો જથ્થો કબજે કરી લઈ મકાનમાલિકની અટકાયત કરી લેવામાં આવી છે.

જામનગર શહેરના સિટી બી ડિવિઝન પોલીસ સ્ટેશન હેઠળના વિસ્તારમાં મચ્છરનગર શેરી નં.1, રૂમ નં. 146 માં રહેતા શૈલેન્દ્રસિંહ નટુભા જાડેજાના રહેણાંક મકાનમાં સર્વેલન્સ સ્ક્વોડ દ્વારા રેડ કરવામાં આવી હતી.  આ કાર્યવાહી દરમિયાન આરોપી શૈલેન્દ્રસિંહ નટુભા જાડેજા સ્થળ પરથી ઝડપાઈ ગયો હતો. પોલીસે તેની પાસેથી 20 નંગ ઇંગ્લિશ દારૂની બોટલોનો જથ્થો કબજે કર્યો છે, અને તેની વધુ પૂછપરછ હાથ કરવામાં આવી છે.