गुजरात
વડોદરાના સમામાં પુનમ નગર ચાર રસ્તા નજીક લક્ઝરી બસની ટક્કર વાગતા મંદિરનો શેડ ધરાશાયી, મહિલાનો બચાવ | Temple shed collapses after being hit by luxury bus in Sama area of Vadodara woman rescued
Vadodara : વડોદરાના સમા વિસ્તારમાં આજે સવારે અકસ્માતના એક બનેલા બનાવમાં મંદિરનો શેડ તૂટી પડ્યો હતો. જે દરમિયાન મંદિરમાં પૂજા કરતી એક મહિલાનો બચાવ થયો હતો.
સમા પુનમનગર ચાર રસ્તા પાસે ગાયત્રી પાર્ક નજીક આજે સવારે એક ખાનગી કંપનીની બસ કર્મચારીઓને લઈને ઓફિસે જઈ રહી હતી ત્યારે બસના ડ્રાઇવરને ઝોકું આવી જતા બસ રોડ પરના એક મંદિર નાખશે શેડ સાથે ભટકાઈ હતી.
આ સાથે ધડાકાભેર શેડ ધારાશાયી થઈ જતા મંદિરને નુકસાન થયું હતું. બનાવને પગલે લોકો ભેગા થઈ ગયા હતા અને કાટમાળ ખસેડવાની કામગીરી કરી હતી. ડ્રાઇવરે તેના માલિકને બોલાવી લીધા હતા અને પોતાની ભૂલ થયાની કબુલાત કરી હતી. પોલીસે પણ આ બનાવની માહિતી મેળવી હતી.
