ટ્રાફિક ચલણનો મેસેજ મોકલીને શિક્ષકના ક્રેડિટ કાર્ડમાંથી રૃ. ૧.૮૫ લાખની ખરીદી | A tinalo eu taropween trafik me angei 1 85 seni ewe sense
અમદાવાદ,શુક્રવાર
સિંગરવામાં સાયબર ગઠિયાએ ટ્રાફિકના ચલણનો મેસેજ કરીને શિક્ષકનાક્રેડિટ કાર્ડમાંથી ફ્લીપકાર્ડમાં રૃા. ૧.૮૫ લાખની ઓનલાઇન ખરીદી કરી હતી જેમાં મેસેજમાં આપેલી એપ્લિકેશન ડાઉનલોડ કરવાનો પ્રયાસ કરતા વધુ માહિતી માટે ક્રેડિટ કાર્ડથી રૃા.૧નું પેમેન્ટ કરવાનું કહેતા તે પણ કરવા પ્રયાસ કર્યો હતો. જેથી ગઠિયાએ ક્રેડિટ કાર્ડમાંથી ૪.૨૩ લાખની ખરીદી કરી હતી જો કે સદ્નસીબે ચીજવસ્તું ઉપલબ્ધ ન હોવાથી રૃા.૨.૩૮ લાખ પાછા આવ્યા હતા. આ બનાવ અંગે ઓઢવ પોલીસે ગુનો નોંધી વધુ તપાસ હાથ ધરી છે.
સિંગરવામાં શિક્ષકે એપ્લિકેશન ડાઉનલોડ કરવા પ્રયાસ કરતાં ક્રેડિટ કાર્ડમાંથી રૃપિયા ઉપડી ગયા ઃ ઓઢવ પોલીસે ગુનો નોંધી વધુ તપાસ હાથ ધરી છે
સિંગરવામાં પાણીની ટાંકી પાસે રહેતા અને શિક્ષકે ઓઢવ પોલીસ સ્ટેશનમાં અજાણી વ્યક્તિ સામે ફરિયાદ નોંધાવી છે કે તા. ૧૪-૦૨-૨૬ ના રોજ તે ઘરે હતા ત્યારે વોટ્સએપમાં ટ્રાફિક નિયમ ભંગના મેમોનો મેસેજ આવ્યો હતો. જેથી શિક્ષકે ગુજરાત પોલીસ દ્વારા ટ્રાફિકનું ચલણ હશે તેમ સમજીને તેમાં આપેલ એપ્લિકેશન ડાઉનલોડ કરવા પ્રયાસ કર્યો હતો. તેમાં વધુ માહિતી માટે ક્રેડિટકાર્ડથી રૃા. ૧નુંં પેમેન્ટ કરવા જણાવતા શિક્ષકે પ્રયાસ કરતા થયું ન હતું.
જેથી શિક્ષકે આવેલા નંબર પર મેસેજ કરીને કહ્યું કે તમે મોકલેલા ચલણમાં પેમેન્ટ થતું નથી તો શું કરવા ખોટા મેસેજો કરો છો જેથી સામેવાળાએ અમે કોઇ મેસેજ કર્યો નથી તેમ કહ્યું હતું, ત્યારબાદ રાતના સમયે તેમના ક્રેડિટ કાર્ડમાંથી ફ્લીપકાર્ડમાં ઓનલાઇન કુલ રૃા. ૪.૨૩ લાખની ખરીદી થઇ હતી. જો કે સદ્નસીબે તેમાંથી ચાર વસ્તુઓ ઉપલબ્ધ ન હોવાથી રૃા. ૨.૩૮ લાખ પરત ક્રેડિટ કાર્ડમાં જમા થયા હતા. પરંતું બાકીના રૃ. ૧.૮૫ લાખ પરત ન આવતા ઠગાઇની જાણ થઇ હતી.
