એક વર્ષમાં ૧૬,૪૨૨ યુનિટ બ્લડ એકત્રિત કરવામાં આવ્યું | 16 422 units of blood collected in one year

વડોદરા,સયાજી હોસ્પિટલ દ્વારા ગયા વર્ષે ૧૭૭ રક્તદાન કેમ્પ યોજવામાં આવ્યા હતા. તેના કારણે વર્ષ ૨૦૨૨ ની સરખામણીમાં વર્ષ – ૨૦૨૫ માં ૩,૭૩૫ યુનિટ વધુ બલ્ડ એકત્રિત  થયું છે. 

 સયાજી હોસ્પિટલના બ્લડ સેન્ટર દ્વારા છેલ્લા ચાર વર્ષમાં ગંભીર બીમારી જેવીકે, થેલેસેમિયા, સિકલસેલ અને પ્રસૂતાઓ માટે આપવામાં આવતા બ્લડના યુનિટમાં સતત વધારો થયો છે. પ્રસૂતાઓ અને નવજાત શિશુઓ માટે ઇશ્યૂ થતા બ્લડ યુનિટમાં ૭૦ ટકા વધારો થયો છે.  સિકલસેલ એનેમિયાના દર્દીઓ માટે  વર્ષ – ૨૦૨૨ માં ૫૧૮ યુનિટ આપવામાં આવ્યા હતા. જેની સામે વર્ષ – ૨૦૨૫ માં તે સંખ્યા વધીને ૧,૬૭૨ સુધી પહોંચી ગઇ છે. જ્યારે થેલેસેમિયાના દર્દીઓને વર્ષ – ૨૦૨૫ માં ૧,૦૮૬ યુનિટ બ્લડ ફાળવવામાં આવ્યું છે. ઉલ્લેખનીય છે કે, એક વર્ષમાં ૯,૪૧૩ નાગરિકોએ સ્વેચ્છાએ રક્તદાન કર્યું હતું.