વડોદરામાં જાહેર માર્ગ પર પાણીની લાઈનમાં ભંગાણ : ખોદાયેલા ખાડાથી ટ્રાફિક જામ | Water line ruptures on public road in Vadodara: Traffic jam due to dug pothole

Vadodara : વડોદરા શહેરના જુદા જુદા વિસ્તારોમાં પાણીની લાઈનમાં ભંગાણ પડવું કોઈ નવી વાત નથી રહી. રોજિંદી સર્જાતી આવી ઘટનાથી હવે નિંભર તંત્ર પણ જાડી ચામડીનું થઈ ગયું છે. ત્યારે ટ્રાફિકથી ધમધમતા અકોટા ચાર રસ્તા પાસે ફરી એકવાર પાણીની લાઈનમાં ભંગાણ સર્જાયું હતું. જેથી હજારો લિટર પીવાના પાણીનો વેડફાટ થઈ રહ્યો છે. ઉપરાંત જુદા જુદા વિસ્તારમાં અલગ અલગ કામગીરી અંગે ખોદાયેલા રોડ રસ્તાના ખાડા પૂરવામાં આવતા નથી. જેના કારણે લોકોને હેરાન પરેશાન થવું પડે છે. એક બાજુ અકોટા ચાર રસ્તા પાસે રસ્તો બંધ કરવાના કારણે ટ્રાફિક જામ થઈ રહ્યો છે. પાણીની લાઈનનું થયેલું ભંગાર ક્યારે રિપેર થશે એ અંગે કોઈ સમય મર્યાદા નથી. છતાં વહેલી તકે રીપેરીંગ કામગીરી થાય એ ઇચ્છનીય છે.