સ્થાનિક ચૂંટણી પહેલા વહીવટી ફેરફાર, પંચાયત વિભાગના 23 અધિકારીની બઢતી સાથે બદલી, જુઓ યાદી | gujarat panchayat department 23 officer promotion transfer list
Gandhinagar News: ગુજરાતમાં આગામી સ્થાનિક સ્વરાજ્યની ચૂંટણીઓ પૂર્વે વહીવટી તંત્રમાં મોટા ફેરફાર કરવામાં આવ્યા છે. રાજ્ય સરકારના પંચાયત, ગ્રામ ગૃહ નિર્માણ અને ગ્રામ વિકાસ વિભાગ દ્વારા ક્લાસ-2 ના 23 અધિકારીઓને ક્લાસ-1 માં બઢતી આપીને મહત્ત્વની જવાબદારીઓ સોંપવામાં આવી છે.
વહીવટી માળખામાં મોટો ફેરબદલ
સરકાર દ્વારા જારી કરવામાં આવેલા આદેશ અનુસાર, ગુજરાત વિકાસ સેવા (GVS), ક્લાસ-2 ના 23 જેટલા અધિકારીઓને હવે ગુજરાત વહીવટી સેવા (GAS – જુનિયર સ્કેલ) ક્લાસ-1 માં બઢતી અપાઈ છે. આ સાથે જ જે-તે અધિકારીઓની નવી જગ્યાએ નિયુક્તિના આદેશો પણ કરી દેવામાં આવ્યા છે.
પગાર ધોરણ અને નિમણૂક
આ બઢતી મેળવનાર આ અધિકારીઓને પે મેટ્રિક્સ લેવલ-10 (રૂ. 56,100 થી રૂ. 1,77,500) ના પગાર ધોરણમાં મૂકાયા છે. હાલમાં આ બઢતી તદ્દન હંગામી ધોરણે ‘ઇન-સીટુ’ આપવામાં આવી છે, જે વહીવટી જરૂરિયાતોને ધ્યાનમાં રાખીને લેવાયેલો નિર્ણય છે.
ચૂંટણી પહેલા કવાયત તેજ
સ્થાનિક ચૂંટણીઓ નજીક આવી રહી છે ત્યારે પંચાયત અને ગ્રામ વિકાસ જેવા મહત્ત્વના વિભાગોમાં થયેલી આ બઢતી અને બદલીઓ સૂચક માનવામાં આવી રહી છે. ગ્રામીણ સ્તરે સરકારી યોજનાઓના અમલીકરણ અને વહીવટી ગતિશીલતા વધારવા માટે આ ફેરફાર મહત્ત્વનો સાબિત થશે.
