અમદાવાદમાં AMCના પાર્કિંગ પ્લોટમાં ધમધમતું જુગારધામ ઝડપાયું, PCBની રેડમાં 9 શખ્સો દબોચાયા | gambling AMC parking Ahmedabad 9 people arrested

Ahmedabad News: અમદાવાદના AEC ક્રોસ રોડ નજીક આવેલા AMCના પાર્કિંગ પ્લોટમાં ગેરકાયદેસર રીતે ચાલતા જુગારધામનો PCB (પ્રીવેન્ટિવ ક્રાઈમ બ્રાન્ચ) દ્વારા પર્દાફાશ કરવામાં આવ્યો છે. પાર્કિંગ પ્લોટમાં રાખવામાં આવેલા એક બંધ કન્ટેનરમાં આ જુગારની પ્રવૃત્તિઓ ચાલી રહી હતી.

શું હતી ઘટના?

પોલીસને ચોક્કસ બાતમી મળી હતી કે AMCના પાર્કિંગ પ્લોટમાં રહેલા કન્ટેનરની અંદર જુગાર રમાડવામાં આવી રહ્યો છે. આ બાતમીના આધારે PCBની ટીમે ત્વરિત કાર્યવાહી કરી દરોડો પાડ્યો હતો. આ રેડ દરમિયાન 9 શખ્સોને રંગેહાથ જુગાર રમતા ઝડપી પાડવામાં આવ્યા હતા, જ્યારે એક મુખ્ય આરોપી ફરાર થઈ ગયો હતો.

કુલ 5.23 લાખનો મુદ્દામાલ જપ્ત

પોલીસની તપાસમાં સ્થળ પરથી રોકડ અને અન્ય સામગ્રી મળી કુલ 5,23,000 રૂપિયાનો મુદ્દામાલ જપ્ત કરવામાં આવ્યો છે, જેની વિગત નીચે મુજબ છે:

રોકડ રકમ: 3,03,000 રૂપિયા

મોબાઈલ ફોન (10 નંગ): 2,20,000 રૂપિયા

અન્ય સામગ્રી: ગંજીપાના અને અન્ય સાધનો

ઝડપાયેલા આરોપીઓની વિગત

આ કેસમાં ધરપકડ કરાયેલા આરોપીઓ અમદાવાદ અને આસપાસના વિસ્તારોના રહેવાસી છે:

જૈમીન લાભુભાઇ બારોટ (ઉ.વ. 40, થલતેજ)

વિશાલ લક્ષ્મણભાઇ ઠાકોર (ઉ.વ. 27, સેટેલાઇટ)

જીગ્નેશ નવીનભાઇ પટેલ (ઉ.વ. 45, સાતેજ)

ભાવીન દિનેશભાઇ પટેલ (ઉ.વ. 49, ભાડજ)

હર્ષ પ્રફુલભાઇ પટેલ (ઉ.વ. 36, સતાધાર)

જનક બાબુભાઇ પટેલ (ઉ.વ. 36, ભાડજ)

હરેશ ભરતભાઇ પટેલ (ઉ.વ. 40, સોલા)

ચંપકલાલ મનસુખભાઇ પટેલ (ઉ.વ. 73, ચાંદલોડીયા)

જીતેંદ્રભાઇ માધવલાલ પટેલ (ઉ.વ. 62, કડી)

આ પણ વાંચો: ઝાડ કે થાંભલા નીચે ઊભા ન રહેતા! રાજ્યમાં 4 દિવસ વીજળીના કડાકા સાથે કમોસમી વરસાદની આગાહી

તપાસ દરમિયાન કુંતલભાઇ જશંવતભાઇ પટેલ (રહે. શીલજ) નામનો વ્યક્તિ સ્થળ પરથી ભાગી છૂટવામાં સફળ રહ્યો છે, જેને પકડવા માટે પોલીસે કાર્યવાહી હાથ ધરી છે.