માઢિયા નજીક બાઇક અને એકટીવા અથડાતા દંપતી ખંડિત, પતિનું મોત | Couple injured in bike activa collision near Madhia husband dies
– પત્નીને ઇજા થતા હોસ્પિટલે ખસેડાઈ
– પતિ પત્ની એકટીવા પર તળાજાની હોસ્પિટલે જતા હતા ત્યારે અકસ્માત સર્જાયો
ભાવનગર : મહુવા પાસે આવેલા માઢિયા નજીક બાઇક અને એકટીવા અથડાતા દંપતી ખંડિત થયું હતું.પતિનું મોત થયું હતું.
રાજુલાના કડિયાળી ગામના વતની અને હાલ મહુવાના મુનિનગર ખાતે રહેતા કિરણબેન મયુરભાઈ પંડયા અને તેમના પતિ મયુરભાઈ મનસુખભાઈ પંડયા ( ઉ.વ ૫૯ ) પોતાનું એકટીવા નંબર જીજે ૦૧ એસપી ૭૧૯૨ લઈને કડિયાળીથી તળાજા હોસ્પિટલે જતા હતા ત્યારે માઢિયા ગામ નજીક સામેથી મોટરસાયકલ નંબર જીજે ૦૧ એસડી ૩૫૯૧ ના ચાલકે પોતાનું વાહન પુરઝડપે અને બેફિકરાઈથી ચલાવી એકટીવા સાથે અથડાવી દેતા એકટીવા પર જઈ રહેલા દંપતીને ગંભીર ઇજા થતા ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા જ્યાં મયુરભાઇનું મોત નિપજ્યું હતું.આ બનાવ સંદર્ભે મૃતકના પત્ની કિરણબેનએ બાઈક ચાલક વિરૂધ્ધ મહુવા રૂરલ પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
