રાજ્યનું દેવું કરોડોમાં પહોંચ્યું : વડોદરા કલેકટર કચેરીએ સાધુ, માથે લાકડા અને ભિક્ષુક બનીને અનોખો વિરોધ | Vadodara Collector stage unique protest after State debt reaches crores
Vadodara : રાજ્ય સરકારનું દેવું વધીને રૂ.4.30 હજાર કરોડનું થઈ ગયું છે. પરંતુ પ્રજાને કોઈ પ્રાથમિક સગવડ યોગ્ય પ્રમાણમાં નહીં મળતા લોકોના વેરાની આવક ક્યાં વપરાઈ તેઓ સવાલ કરીને સામાજિક કાર્યકરોએ ભિક્ષુક, સાધુ, માથે લાકડા લેવા સહિત વિવિધ વેશ પરિધાન કરીને જિલ્લા કલેકટર કચેરીએ સૂત્રોચાર કરીને આવેદન આપ્યું હતું.
ઉલ્લેખનીય છે કે રાજ્ય સરકારનું દેવું 4.30 હજાર કરોડનું થઈ ગયું છે. મોડલ રાજ્ય માટે આટલું મોટું દેવું કેવી રીતે થયું એ અંગે સામાજિક કાર્યકર વિઠ્ઠલ આયરે સહિત ચાર કાર્યકરો પૈકી એક વ્યક્તિએ માથા પર લાકડા, હાથમાં કટોરા સાથે ભિક્ષુક, સાધુ વેશ પરિધાન કરીને ચારેય વ્યક્તિઓ કલેકટર કચેરીએ પહોંચી હતી. ગુજરાત રાજ્ય જો મોડલ રાજ્ય હોય તો લોકોના વેરાના પૈસા ક્યાં વપરાયા જેવા હિસાબ માંગીને આગામી દિવસોમાં લોકોને હવે ગામડે રહેવા જવાની નોબત આવવા સહિત ભિક્ષુકવૃત્તિ અને સાધુ બનવાની નોબત આવશે તેમ જણાવ્યું હતું. તમામે જણાવ્યું હતું કે અમે કોઈ કલાકાર નથી પરંતુ આગામી દિવસોમાં શહેરીજનોની આવી પરિસ્થિતિ આવી જશે તેમ જણાવી કલેકટર કચેરીએ ભારે સૂત્રોચાર કરીને આવેદનપત્ર સુપ્રત કર્યું હતું.
