વિધર્મી સાથે લગ્ન કરનાર મહિલાએ બે વર્ષમાં ત્રાસથી કંટાળીને ફરિયાદ કરી | Woman who married a heretic person complaint of harassment for two years of torture in vadodara
Vadodara : વડોદરાના આજવા વિસ્તારમાં નિમેટા રોડ ઉનડદીપ સોસાયટીમાં રહેતા પાયલ ઉર્ફે સકીના સલમાન પઠાણી બાપોદ પોલીસ સ્ટેશનમાં ફરિયાદ નોંધાવી જણાવી છે કે હું છેલ્લા બે મહિનાથી મારા માતા રાધા રાજપૂત સાથે રહું છું. વર્ષ 2024માં સલમાન સલીમ ખાન પઠાણ (રહે-એકતા નગર, આજવા રોડ) સાથે કોર્ટ મેરેજ કર્યા હતા. વર્ષ 2025 માં હું મારી સાસરીમાં રહેતી હતી ત્યારે મારા પતિને અન્ય કોઈ મહિલા સાથે સંબંધ હોવાની મને જાણાતા મેં મારા પતિને પૂછતા તેમને મને માર માર્યો હતો.
ત્યારબાદ તેના પરિવારના સભ્યો દ્વારા મને સમજાવતા હું ફરીથી પિયરમાં રહેવા માટે ગઈ હતી ત્યારબાદ પણ મારા પતિ મને ત્રાસ આપી માર મારતા હતા. 14-1-2026 ના રોજ મારા પતિએ મને માર મારતા હું પિયર જતી રહી હતી. ગત 10 મી તરીખે સાંજે 5:00 વાગે હું, મારી માતા અને ભાઈ રીક્ષામાં બેસી કમલા નગર ખાતે પૂજાનો સામાન લેવા માટે ગયા હતા તે દરમિયાન મારો પતિ સલમાન રિક્ષા લઈને આવ્યો હતો. મને રિક્ષામાં બેસાડી આજવા નિમેટા ખેતરમાં લઈ ગયો હતો. તે મારી સાથે ઝઘડો કરીને માર મારી મારા મોઢામાં રૂમાલ નાખી ધમકી આપી હતી કે હવે તું બૂમો પાડીશ તો તારા ટુકડા કરી તને કાપીને નાખી દઈશ અને પછી તેણે મારું ગળું દબાવી દીધું હતું. અને ફરીથી માર માર્યો હતો. રાત્રે 11:00 વાગે હું ત્યાંથી ભાગીને બહાર રોડ પર આવેલી લારી પાસે આવી હતી. મેં ભાઈને ફોન કરતા મારો ભાઈ મને લેવા માટે આવ્યો હતો.
