વિદેશ મોકલવાના બહાને માણસાના યુવક સાથે પિતા-પુત્રની ૧૬.૪૦ લાખની ઠગાઇ | Father and son cheated a young man from Mansa of Rs 16 40 lakhs on the pretext of sending him abroad
માણસા : માણસા તાલુકાના આજોલ ગામના મૂળ વતની અને હાલ માણસા શહેરમાં
બંગલોમાં રહી છૂટક મજૂરી કરીને ગુજરાન ચલાવતા ૨૯ વર્ષીય યુવક સાથે ચાંદખેડાના વિઝા
એજન્ટ પિતા પુત્રએ ઓસ્ટ્રેલિયા મોકલવાના બહાને કુલ ૧૬.૪૦ લાખની રકમ પડાવી લઈ ઠગાઈ
આચરવામાં આવતા માણસા પોલીસે ગુનો નોંધી વધુ તપાસ હાથ ધરી છે.
માણસાના ક્રિષ્ના
બંગલોમાં રહી છૂટક મજૂરી કરતા ભાવિક રાજેન્દ્રભાઈ ચાવડા ઓસ્ટ્રેલિયાના વિઝા મેળવવા
માટે બે વર્ષ અગાઉ ચાંદખેડા ખાતે રહેતા વિઝા એજન્ટ બંસી નવીનચંન્દ્ર દેસાઈ તથા
તેનો દીકરો વરૃણ દેસાઇને મળ્યો હતો. એ વખતે ભાવિકને વિશ્વાસમાં લઈ પિતા પુત્રએ
જણાવ્યું હતું કે તેઓ ઘણા લોકોને સફળતાપૂર્વક વિદેશ મોકલી ચૂક્યા છે. આથી
વિશ્વાસમાં આવીને ભાવિકે ૩૧.૨૩ લાખનું પેકેજ નક્કી કર્યું હતું. જે પૈકી શરૃઆતમાં
પ્રોસેસ પેટે ૨૫,૦૦૦
ફોન-પે મારફતે ટ્રાન્સફર કર્યા હતા. ત્યારબાદ વધુ વિશ્વાસ કેળવવા એજન્ટોએ ભાવિકના
મોબાઈલ પર ઓસ્ટ્રેલિયાના ટુરીસ્ટ વિઝાની નકલ મોકલી હતી. જે જોઈને તેને ખાતરી થઈ
હતી કે તેનું કામ થઈ જશે.જેના પગલે તેણે પોતાના મિત્રો અને સંબંધીઓ પાસેથી ઉછીના
પાછીના કરી ૨૪ અને ૨૫ જૂન ૨૦૨૫ દરમિયાન ૧૪.૧૫ લાખ આરટીજીએસથી ટ્રાન્સફર કર્યા હતા.
ત્યારબાદ એજન્ટ વરુણ દેસાઈએ ઓસ્ટ્રેલિયાની ટિકિટ બુકિંગના નામે વધુ ૨ લાખ પડાવ્યા
હતા. આમ, ભાવિકે
પોતાની મહેનતના અને ઉછીના લીધેલા કુલ ૧૬.૪૦ લાખ એજન્ટોને આપી દીધા હતા જોકે ભાવિકે
વિઝા અને ટિકિટની વિગતો ઓનલાઈન તપાસી ત્યારે તેમાં કોઈ રેકોર્ડ મળ્યો ન હતો.જેનાથી
પોતાની સાથે છેતરપિંડીનો અહેસાસ થયો હતો. બાદમાં એજન્ટો સર્વર ડાઉન હોવાના પોકળ
બહાના કાઢવા લાગ્યા હતા.જયારે ભાવિક વિસત સર્કલ પાસે આવેલી એજન્ટની ઓફિસે અને તેઓના
ઘર ઈ/૯૦૩, શ્રી
સરજુગ્રીન્સ, આસ્થા
પ્રાઈમની સામે, ચાંદખેડા, અમદાવાદ ખાતે
તપાસ કરવા ગયો ત્યારે ઓફિસને તાળાં લટકેલા હતા અને પિતા-પુત્ર બંને મોબાઈલ ફોન બંધ
કરીને ભૂગર્ભમાં ઉતરી ગયા હોવાનું માલૂમ પડયું હતું. આ અંગે માણસા પોલીસે ગુનો
નોધી વધુ તપાસ હાથ ધરી છે.
