મકરપુરા એરફોર્સ સ્ટેશન પાસે પાણીની લાઈનમાં ભંગાણ : હજારો લિટર પાણીનો વેડફાટ | Water line Breakage near Makarpura Air Force Station Thousands of liters of water wasted

વડોદરા શહેરના મકરપુરા વિસ્તારમાં એરફોર્સ સ્ટેશન નજીક પાલિકા તંત્ર દ્વારા રોડ નીચેની થઈ રહેલી કામગીરી દરમિયાન કોઈ મશીનરીના કારણે પાણીની લાઈન લીકેજ થતા હજારો લિટર પાણી વેડફાઈ ગયું હતું. અહીં રોડની નીચેની કામગીરી ચાલતી હતી એ દરમિયાન અહીં જેસીબી અથવા અન્ય કોઈ મશીનરીના કારણે પાણીની લાઈનમાં ભંગાણ સર્જાયું હતું. જેથી હજારો લિટર પાણી રસ્તા પર વહી ગયું હતું. એક તરફ લોકોને પૂરતા પ્રેશરથી પાણી મળી રહ્યું નથી ત્યારે બીજી તરફ હજારો લિટર પાણી વેડફાઈ જતા નાગરિકોમાં પણ રોષ વ્યાપ્યો છે.

પાણીની લાઈનના લીકેજના કારણે આજે અહીંથી પાણી મેળવતા વિસ્તારોમાં પીવાના પાણીની સમસ્યા સર્જાશે અને આ વિસ્તારમાં આજે ઓછા દબાણથી પાણી વિતરણ કરવામાં આવશે. સમગ્ર ઘટના મામલે પાલિકા તંત્રને ફરિયાદ મળતા અહીં મરામતની કામગીરી શરૂ કરી છે.