VIDEO | સુરેન્દ્રનગરમાં હનીટ્રેપ ગેંગ ઝડપાઈ, જમીન દલાલને પ્રેમજાળમાં ફસાવ્યો, વીડિયો ઉતારી 1 કરોડ પડાવી લીધા | Surendranagar Honeytrap Case Police arrested 4 accused

Surendranagar Honeytrap Case: સુરેન્દ્રનગરમાં હનીટ્રેપ ગેંગ ઝડપાઈ છે. જમીન દલાલને પ્રેમજાળમાં ફસાવ્યા બાદ તેનો આપત્તિજનક વીડિયો ઉતારી 1 કરોડ રૂપિયા પડાવી લીધા હોવાની ઘટના મામલે પોલીસે એક મહિલા સહિત 4 આરોપીની ધરપકડ કરી છે. સમગ્ર કેસ મામલે પોલીસે રૂ.72 લાખનો મુદ્દામાલ જપ્ત કરીને આગળની કાર્યવાહી હાથ ધરી છે.

શું છે સમગ્ર ઘટના?

પોલીસ ફરિયાદ અનુસાર, સાણંદના જમીન દલાલને સુરેન્દ્રનગર જિલ્લામાં જમીન બતાવવાનું કહી યુવતીની મોહજાળમાં ફસાવ્યો હતો. જેમાં આરોપીએ આપત્તિજનક વીડિયો ઉતારી લઈ જમીન દલાલનું અપહરણ કર્યું હતું. આ પછી આરોપીઓએ જમીન દલાલ પાસેથી રૂપિયા 1 કરોડ પડાવી લેવાની ઘટના બનતા સમગ્ર જિલ્લામાં ચકચાર મચી જવા પામી હતી. 

આ હનીટ્રેપના બનાવ મામલે ભોગ બનનાર જમીન દલાલે સુરેન્દ્રનગર સિટી બી ડિવિઝન પોલીસ સ્ટેશનમાં ફરિયાદ નોંધાવી હતી. સમગ્ર મામલે પોલીસે ગુનો નોંધી ગણતરીના દિવસોમાં જ હનીટ્રેપ ગેંગમાં સામેલ 1 યુવતી અને 3 શખસ સહિત કુલ 4 આરોપીને ઝડપી લીધા છે. પોલીસે રોકડ, મોબાઈલ, કાર પિસ્તોલ-જીવતા કારતૂસ સહિત કુલ 72.50 લાખનો મુદ્દામાલ કબજે કર્યો છે. જ્યારે ફરાર બે આરોપીઓને ઝડપી પાડવા માટે પોલીસ વધુ તપાસ હાથ ધરી છે.

આ પણ વાંચો: નર્મદા: કેવડિયામાં જિલ્લા કોંગ્રેસ પ્રમુખના પરિવારના નામ મતદાર યાદીમાંથી ગાયબ, 97 નામો કાઢી નખાતા વિવાદ છંછેડાયો

ઝડપાયેલા 4 આરોપીના નામ

– તોસીફખાન ઉર્ફે લાલો અકબરખાન મલેક (રહે. અખીયાણા, તા.પાટડી)

– સાહિલખાન સરદારખાન ઉર્ફે બાદરખાન મલેક (રહે. માલવણ, તા.પાટડી)

– આશિફખાન મોહબતેખાન મલેક (રહે. અખીયાણા, તા.પાટડી)

– એક મહિલા

બે આરોપી ફરાર 

– અરબાઝખાન હયાતખાન મલેક (રહે. અખીયાણા, તા.પાટડી)

– અમન (રહે. ઈંગરોડ, તા.લખતર)