ભાવનગર પોલીસે 6 દિવસની એલઈડી ડ્રાઈવમાં રૂ. 2.75 લાખનો દંડ વસૂલ્યો | Bhavnagar Police collects fine of Rs 2 75 lakh in 6 day LED drive

– શહેરમાં ભાવનગર વિભાગ પોલીસ દ્વારા ડ્રાઇવ

– ટ્રાફિક શાખા સહિત 6 પોલીસ મથક દ્વારા કુલ 280 મેમા ફટકાર્યા

ભાવનગર : ભાવનગર શહેરમાં ટ્રાફિક શાખા સહિત અલગ અલગ પોલીસ મથક મળી અલગ અલગ વિસ્તારોમાં એલઈડી વ્હોટ લાઇટ ડ્રાઈવનું આયોજન કરવામાં આવ્યું હતું. આ ડ્રાઈવમાં અલગ અલગ વિસ્તારોમાંથી ૨૮૦ મેમાં નોંધવામાં આવ્યા હતા અને કુલ રૂ.૨,૭૫,૦૦૦ નો દંડ વાહન ચાલકો ફટકારવામાં આવ્યો હતો

ભાવનગર શહેરમાં ટ્રાફિક નિયમન તેમજ કાયદો-વ્યવસ્થા જાળવવા માટે જાહેરનામા ભંગ કરીને શહેરમાં પ્રવેશતા વાહનો ચાલકો વિરૂધ્ધ દંડાત્મક તેમજ કાયદેસરની કાર્યવાહી કરવામાં આવી હતી.ભાવનગર પોલીસ અધિક્ષક અને સિટી નાયબ પોલીસ અધિક્ષક આર.આર.સિંઘાલના માર્ગદર્શન હેઠળ અને સુચના મુજબ ભાવનગર શહેરમાં વાહન ચાલકો વિરૂધ્ધ ટ્રાફિક શાખા, ભાવનગર તથા ડિવીજન હેઠળના પોલીસ સ્ટેશન જેમાં નિલમબાગ, ઘોઘારોડ, ગંગાજળીયા, બોરતળાવ, ભરતનગર, વિગેરે થાણા ઈન્ચાર્જ દ્વારા તા.૧૦ ફેબ્આરી ૨૦૨૬ થી તા.૧૬ ફેબ્આરી ૨૦૨૬ સુધી દિન-૦૬ સુધી એલઈડી વ્હોટ લાઇટ ડ્રાઈવનું આયોજન કરવામાં આવ્યું હતું.જેમા અલગ-અલગ પોઈંટ રાખીને ફોર-વ્હિલ તેમજ ટુ-વ્હિલરમાં અનઅધિકૃત એલઈડી વ્હાઇટ લાઈટ ફિટ કરાવેલ હોય તેવા વાહન ચાલકો વિરૂધ્ધ ડ્રાઈવ રાખીને દંડાત્મક કાર્યવાહી ભાવનગર ડિવીઝનના પોલીસ સ્ટેશન તેમજ ટ્રાફિક શાખા,ભાવનગર દ્વારા કરવામા આવેલ હતી. આમ કુલ મળી ભાવનગર પોલીસ તંત્ર દ્વારા ભાવનગર શહેરમાં એલઈડી વ્હોટ લાઇટ ડ્રાઈવનું આયોજન કરી છ દિવસમાં કુલ ૨૮૦ મેમાં ફટકારવામાં આવ્યા હતા.અને કુલ રૂ.૨,૭૫,૦૦૦ નો દંડ વાહન ચાલકો ફટકારવામાં આવ્યો હતો.

ટ્રાફિક ડ્રાઈવમાં કેટલા મેમા અને દંડ