કાશ્મીરથી માતા પિતા બાળકને સારવાર માટે સયાજી હોસ્પિટલમાં લાવ્યા : વિના મૂલ્ય સફળ ઓપરેશન | Parents from Kashmir brought child to Sayaji Hospital for treatment
Vadodara SSG Hospital : મધ્ય ગુજરાતની સૌથી મોટી અને તદ્દન ફ્રીમાં સારવાર કરતી સયાજી હોસ્પિટલની તબીબી સારવારની ગુંજ દેશના છેવાડે છે. જમ્મુ કાશ્મીર સુધી પહોંચી ગઈ છે.
જમ્મુ કાશ્મીરના સોપારાના નાનકડા વિસ્તારમાંથી મુસ્લિમ પરિવાર બાળ દર્દીની સારવાર માટે એસએજીમાં પહોંચ્યો હતો. જ્યાં બાળ દર્દીને ગળામાં મોટા કાકડાના કારણે ઇન્ફેક્શન થયું હોવાનું તપાસમાં બહાર આવ્યું હતું. પરિણામે બાળ દર્દી રાત્રે પૂરી ઊંઘ પણ લઈ શકતું ન હતું અને યોગ્ય રીતે ખોરાક પણ લઈ શકતો ન હતો. પરિણામે એસએસજીના તબીબોએ આવું નિદાન કરીને બાળદર્દીનું કાકડાનું સફળ ઓપરેશન કર્યું હતું. પરિણામે બાળક તદ્દન સ્વસ્થ્ય થયું હતું. આ અંગે બાળ દર્દીની માતાએ એસએસજી હોસ્પિટલના તબીબી સ્ટાફ સહિત દર્દીની યોગ્ય રીતે કાળજી લેવાતા હોવાના વખાણ કર્યા હતા. જ્યારે બાળદર્દીના પિતાએ જણાવ્યું હતું કે, સયાજી હોસ્પિટલ જેવી સારવાર જમ્મુ કાશ્મીરમાં પણ મળી રહે એ અંગેની સગવડ કરવા સરકારી તંત્રને ભલામણ કરી હતી.
