गुजरात
કરજણની ચોરીમાં મોહનીયા ગેંગના સભ્યની ૨૫ વર્ષ બાદ ધરપકડ | thefter caught after 25 years
વડોદરા, તા.8 કરજણમાં ૨૫ વર્ષ પહેલાં ચોરીના બે ગુના કરી ફરાર થઇ ગયેલા મોહનીયા ગેંગના રીઢા ચોરને જિલ્લા પોલીસે ઝડપી પાડયો છે.
પ્રાપ્ત માહિતી મુજબ કરજણમાં વર્ષ-૨૦૦૧માં ચોરીની બે ફરિયાદો નોધાઇ હતી. આ કેસની તપાસમાં મોહનીયા ગેંગ સંડોવાઇ હોવાનું ખૂલ્યું હતું જેથી પોલીસે તેઓની શોધખોળ હાથ ધરી હતી. દરમિયાન આ ગેંગનો સભ્ય મલુ ભવરીયા ઉર્ફે કાળુ ભીલ (રહે.બગવલી, તા.કુકસી, જિલ્લો ધાર, મધ્યપ્રદેશ) ફરાર હતો.
છેલ્લા ૨૫ વર્ષથી ફરાર મોહનીયા ગેંગના સભ્ય મલુ ભીલને જિલ્લાની પેરોલ ફર્લો સ્ક્વોડ પોલીસ શોધી રહી હતી દરમિયાન તે મધ્યપ્રદેશમાં ચોક્કસ સ્થળે છે તેવી માહિતીના આધારે પોલીસની એક ટીમ એમપી પહોંચી હતી અને ધાર જિલ્લાના કુકસ તાલુકાના બગવલીગામમાંથી મલુ ભીલને ઝડપી પાડયો હતો.
