આઇટેક કંપનીમાં ટ્રક રિવર્સમાં લેતા ટ્રક અને દિવાલ વચ્ચે દબાઈ જતા યુવાનનું મોત | A young man died after being crushed between a truck and a wall while reversing at an ITech company
– મૃતકના બહેને ટ્રક ચાલક વિરૂધ્ધ વરતેજ પોલીસમાં ફરિયાદ નોંધાવી
– યુવાન કંપનીમાં ફરજ બજાવી રહ્યો હતો ત્યારે અકસ્માત સર્જાયો
ભાવનગર : શામપરા ખાતે આવેલી આઇટેક નામની કંપનીમાં ફરજ બજાવતા યુવાનને કંપનીમાં ચાલી રહેલા ટ્રકે રિવર્સમાં લઈ દિવાલ અને ટ્રક વચ્ચે દબાવી દેતા યુવાનને ગંભીર ઇજા થતા મોત નિપજ્યું હતું.
સિહોર ખાતે આવેલ તાલુકા પંચાયત પાસે રહેતા દિપીકાબેન મનસુખભાઈ વાઢેરના ભાઈ નિશાંતભાઈ મનસુખભાઈ વાઢેર (ઉ.વ.૩૨) ભાવનગરમાં શામપરા ખોડીયાર ખાતે આવેલ આઈટેક કાનનીમાં કામ કરી રહ્યા હતા. તે દરમિયાન ટ્રક નંબર જીજે-૦૪-એડબલ્યુ-૯૩૫૫ના ચાલકે પોતાની વાહન રિવર્સમાં પૂરઝડપી અને બેફીકરાઈથી ચલાવી નિશાંતભાઈને દીવાલ અને ટ્રક વચ્ચે દબાવી દેતા ગંભીર ઇજા થઈ હતી. યુવાનને ગંભીર હાલતે સિહોરની હોસ્પિટલે ખસેડવામાં આવ્યો હતો. જ્યાં તેમની તબિયત લથડતા ભાવનગરની ખાનગી હોસ્પિટલમાં સારવાર માટે ખસેડવામાં આવેલ જ્યાં તેમનું સારવાર દરમિયાન મોત નિપજ્યું હતી. આ બનાવ સંદર્ભે મૃતકના બેન દિપીકાબેનએ ટ્રક ચાલક વિરૂધ્ધ વરતેજ પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
