गुजरात
જામનગરમાં ગોકુલ નગર નજીકના વિસ્તારમાંથી જાહેરમાં ગંજીપાના વડે જુગાર રમી રહેલી 5 મહિલાઓ ઝડપાઈ | 5 women caught gambling in public near Gokul Nagar in Jamnagar
Jamnagar Gambling : જામનગર શહેરમાં મહિલાઓ દ્વારા જુગાર રમવા અંગેના અનેક કિસ્સાઓ બહાર આવતા જાય છે, અને પોલીસ દ્વારા તેઓ સામે પોલીસ કેસ કરાઈ રહ્યો છે. જેના ભાગરૂપે ગઈકાલે ગોકુલનગર વિસ્તારમાં પોલીસે જુગાર રમી રહેલી પાંચ મહિલાઓની અટકાયત કરી છે.
જામનગરના સીટી સી. ડિવિઝનના પોલીસ સ્ટાફે ગઈકાલે સાંજે ગોકુલ નગર વિસ્તારમાં બુદ્ધિશાગર સ્કૂલ પાસે દરોડો પાડયો હતો. જ્યાંથી જાહેરમાં જુગાર રમી રહેલી રંજનબેન રાજુભાઈ કુડેચા, સુનીતાબેન મોહનભાઈ મકવાણા, રીટાબેન કાળુભાઈ ચૌહાણ, મીનાબેન અલ્પેશભાઈ સરવૈયા, તેમજ મોહિનીબેન જયંતીભાઈ બારૈયા વગેરે પાંચ મહિલાઓની અટકાયત કરી લઇ તેઓ પાસેથી રૂપિયા 21,200ની રોકડ રકમ તેમજ જુગારનો સામાન કબજે કર્યો છે.
