સી.ઓ. ચેકિંગ ડ્રાઈવ : એક વર્ષમાં રૂા. 17.34 લાખના દંડની વસૂલાત | CO Checking Drive: Rs 17 34 lakh fine recovered in one year

– પોલીસે 121 અને આરટીઓએ 16 વાહન ડિટેઈન કર્યા

– વર્ષ દરમિયાન 1166 મેમો ફટકારવામાં આવ્યા, નો પાર્કિંગ ચેકિંગ ડ્રાઈવમાં 53 વાહન ડિટેઈન, 706 મેમા ફટકારી રૂા. 8.74 લાખના દંડની વસૂલાત કરાઈ

ભાવનગર : વર્ષ ૨૦૨૫માં ભાવનગર એસ.ટી.ની સુરક્ષા વિભાગની ટીમ, આરટીઓ અને પોલીસ તંત્રએ સંયુક્ત રીતે કરેલી સી.ઓ. ચેકિંગ ડ્રાઈવ દરમિયાન ૧૭.૩૭ લાખ રૂપિયાના દંડની વસૂલાત કરવામાં આવી છે. આ ઉપરાંત નો પાર્કિંગ ચેકિંગ ડ્રાઈવ દરમિયાન ૫૩ વાહન ડિટેઈન, ૭૦૬ મેમા ફટકારી રૂા.૮.૭૪ લાખના દંડની વસૂલવામાં આવ્યો હતો.

જાન્યુઆરી-૨૦૨૫થી ડિસેમ્બર-૨૦૨૫ સુધીના સમયગાળામાં સી.ઓ. ચેકિંગ ડ્રાઈવ રાખી કેપેસિટીથી વધુ મુસાફરો ભરતા તેમજ ટ્રાફિકના અન્ય નિયમોનો ભંગ કરતા વાહનચાલકો સામે નિયમાનુસારની કાર્યવાહી કરાઈ હતી. વર્ષ દરમિયાન પોલીસે કુલ ૧૨૧ વાહન ડિટેઈન, ૯૧૬ મેમો આપી રૂા.૫,૨૬,૧૦૦નો દંડ વસૂલ્યો હતો. તેમજ આરટીઓએ કુલ ૧૬ વાહન ડિટેઈન કરી રૂા.૬૨,૩૬૫નો દંડ અને ૨૫૦ મેમો ફટકારી ૧૧,૪૬,૨૦૦ મળી પોલીસ અને આરટીઓએ કુલ રૂા.૧૭,૩૪,૬૬૫ના દંડની વસૂલાત કરી હતી તેમ ભાવનગર એસ.ટી.ના સિક્યુરીટી ઓફિસર જે.પી. ગોહિલે જણાવ્યું હતું.

તેમજ એસ.ટી. ડેપો આસપાસ વાહનો ઉભા રાખી મુસાફરો ખેંચી જતાં વાહનચાલકો સામે નો પાર્કિંગ ચેકિંગ ડ્રાઈવ યોજી પોલીસે ૪૭ વાહન ડિટેઈન, ૫૯૬ મેમા ફટકારી રૂા.૪,૦૧,૨૦૦ તેમજ આરટીઓએ ૬ વાહન ડિટેઈન કરી, ૧૧૦ મેમા ફટકારી રૂા.૪,૭૩,૦૦૦નો દંડ મળી વર્ષ ૨૦૨૫માં કુલ રૂા.૮,૭૪,૨૦૦નો દંડ વસૂલવામાં આવ્યો હતો.

12 માસમાં થયેલી સી.ઓ. ચેકિંગ ડ્રાઈવની કામગીરી