જામનગરમાં સાધના કોલોની વિસ્તારમાંથી પ્રતિબંધિત ચાઈનીઝ દોરાનું વેચાણ કરનાર વેપારી પકડાયો | A trader selling banned Chinese thread was caught from Sadhana Colony area in Jamnagar
Jamnagar Police : જામનગર શહેરમાં પ્રતિબંધીત ચાઇનીઝ પ્લાસ્ટીકના દોરા-માંજા તથા તુક્કલ શોધી કાઢવા માટેની ઝુંબેશ ચલાવાઇ રહી હતી, જે દરમિયાન સાધના કોલોની વિસ્તારમાંથી એક વિક્રેતા પ્રતિબંધિત ચાઈનીઝ દોરાનું વેચાણ કરતાં પકડાયો છે.
જામનગરના સીટી એ. ડીવી પોલિસ સ્ટેશન હેઠળના વિસ્તારમાં સ્થાનિક પોલીસ ટુકડી પ્રતિબંધીત ચાઇનીઝ પ્લાસ્ટીકના દોરા-માંજા તથા તુક્કલ અંગે પેટ્રોલીંગમાં હતી, તે દરમ્યાન સર્વેલન્સ સ્ક્વોર્ડની ટીમે સાધના કોલોની ગેઇટ નંબર-3માં આવેલા મહાદેવના મંદીરની બાજુમાં એક ઇસમ દુકાનમાં પ્રતિબંધીત ચાઇનીઝ પ્લાસ્ટીકના દોરા-માંજા તથા તુકકલ રાખી તેનુ વેચાણ કરે છે. જે હકીકતના આધારે કેવલ ઈશ્વરભાઈ ગંઢા નામના વેપારીની દુકાનમાં તપાસણી કરતાં તેની દુકાનમાથી ચાઇનીઝ પ્લાસ્ટકીના દોરા માંઝાની 70 નંગ ફીરકી મળી આવી હતી. આથી પોલીસે રૂ.35,000ની કિંમતની 70 નંગ પ્રતિબંધ ચાઈનીઝ દોરા સાથેની ચરખીનો મુદામાલ કબજે કરી લઈ વેપારીની અટકાયત કરી છે, અને તેની સામે સીટી એ. ડિવિઝન પોલીસ મથકમાં જાહેરનામાંના ભંગ બદલ ગુનો નોધ્યો છે.
