અમદાવાદ : ઇન્કની કંપનીમાં ભીષણ આગ, 3 ફાયર ફાઇટર ઈજાગ્રસ્ત, 5 કલાક ચાલ્યું ‘આગનું તાંડવ’
અમદાવાદ : અમદાવાદ નરોડા સૈજપુર બોઘા રોડ ઉપર આવેલ ઈન્ક બનાવતી કંપનીમાં રાતે 3:00 વાગે આગ લાગી હતી.કોલ મળતા ફાયરની ટિમ ઘટના સ્થળે પહોંચી.આગ બુઝાવવા ની કામગીરીમાં અમદાવાદ ફાયર એન્ડ ઈમરજન્સી સર્વિસીઝ ના ઓઢવ ફાયર સ્ટેશનના 3 ફાયરમેન કર્મચારીઓ ને આગથી દાઝી જતા હાથ તથા મોઢા ના ભાગે ઈજા થતા સારવાર અર્થે શારદાબેન હોસ્પિટલ મોકલી આપવામાં આવેલ હતા. સારવાર બાદ ત્રણેય કર્મચારીઓ ને ડિસ્ચાર્જ કરવામાં આવ્યા છે.ઈન્ક બનાવતી ફેક્ટરીમાં રાખવામાં આવેલ રો-મટીરીયલ, મશીનરી , પાકો તૈયાર માલ , ઈલેક્ટ્રીક વાયરીંગ અને બિલ્ડીંગ ની ઈમારત ને મોટા પ્રમાણમાં નુકસાન થયું છે.
ડિવિઝનલ ઓફિસર મનીષ મોડે જણાવ્યું છે કે નરોડા વિસ્તારની ઇન્ક એનોમ નામની કંપનીમાં આગ લાગવાનો કોલ 3. વાગ્યે મળ્યો હતો આગની તીવ્રતા જોઈને બ્રિગેડ કોલ જાહેર કરવામાં આવ્યો હતો. કોલ મળતાની સાથે 30 જેટલા વાહનોની મદદથી આગ બૂઝાવવાની કામગીરી કરવામાં આવી હતી.
