અમદાવાદ : લગ્નના એક જ વર્ષમાં પતિ બન્યો બેવફા, આખી રાત પત્નીથી રહેતો દૂર

અમદાવાદ: એક યુવતીએ લગ્ન કર્યા બાદ એક જ વર્ષના સમયગાળામાં તેનું ઘર ભાંગી પડ્યું છે. કારણકે તેનો પતિ બેવફા નીકળતા હવે યુવતીએ પોલીસની મદદ લીધી છે. લગ્નના થોડા દિવસમાં જ પતિએ યુવતીને ન રાખવા કહી દીધું હતું, પત્નીએ આ બાબતે વાત કરતા પત્ની સાથે પતિ બોલતો ન હતો અને આખી રાત પત્ની પાસે જતો પણ ન હતો. એક દિવસ તો પતિના કહેવા મુજબ યુવતીના દીયરે બધાની હાજરીમાં ઝગડો થયા બાદ કેરોસીન છાંટવાનો પ્રયાસ કર્યો હતો.

રાણીપ પોલીસ લાઈન સામે રહેતી 19 વર્ષીય યુવતીના વર્ષ 2019માં જ લગ્ન થયા હતા. થોડા દિવસ બાદ સાસરિયાઓએ તેની સાથે અવાર નવાર ઝગડા કરવાનું શરૂ કર્યું હતું. આ બાબતે પતિ સાથે વાત કરવા જાય ત્યારે તે પણ વાત કરતો ન હતો. લગ્નના થોડા જ સમયમાં પતિએ યુવતીને કહી દીધું કે તેને છૂટાછેડા લેવા છે તેને રાખવી નથી.

યુવતીએ તેના પતિને આ બાબતે કારણ પૂછ્યું તો, તેને માર મારતો હતો. આખી રાત પતિ ની રાહ જોઇને યુવતી બેસી રહેતી પણ પતિ તેની પાસે જ આવતો ન હતો. પતિએ કહી દીધું હતું કે તે બીજી સ્ત્રી સાથે સબંધ ધરાવે છે અને તેથી તે છૂટું કરવા માંગે છે.