ટેન્સાઇલ સ્ટીલ કંપનીના જમીન વિવાદમાં પોલીસને ૧૨૧ કરોડના ટ્રાન્જેક્શન મળ્યા | police found 121 cr tranjections from tensile company bank accounts
વડોદરાઃ ટેન્સાઇલ સ્ટીલ કંપનીની બોગસ લીઝ ડીડથી જમીન પડાવી લેવાના કારસાના બનાવમાં ક્રાઇમ બ્રાન્ચને ૧૨૧ કરોડના ટ્રાન્જેક્શન મળ્યા છે.
માંજલપુરની ટેન્સાઇલ સ્ટીલ કંપનીની જમીન બોગસ લીઝ ડીડ બનાવી રૃ.૧૦ કરોડમાં ભાડે આપી દેવાના કારસા અંગે ૮૭ ટકા હિસ્સો ધરાવતા ડાયરેક્ટર સંજય પટેલની ફરિયાદને આધારે પૂર્વ ડાયરેક્ટર અમિત મુકેશ શાહ(પીએચસી બિલ્ડકોન અને પદમાવતી બિલ્ડકોનના ડાયરેક્ટર) અને અમદાવાદના શ્રીમ કન્સ્ટ્રક્શનના માલિક ભાવેશ અમીન સહિત આઠ જણા સામે ગુનો નોંધ્યો હતો.ફરિયાદીએ તેના રૃ.૧૨૩ કરોડનું રોકાણ કરાવી ઠગાઇ કર્યાનો આક્ષેપ કર્યો હતો
પોલીસે આ પૈકી ડાયરેક્ટર કિશોર સુરતવાલા અને શ્રીમ કન્સ્ટ્રક્શન વતી સહી કરનાર ભૂમિષ્ઠ મકવાણા સહિત પાંચની ધરપકડ કરી હતી.જ્યારે,સૂત્રધાર અમિત શાહ અને ભાવેશ અમીનનો પત્તો નથી.
આ દરમિયાન તપાસ અધિકારી પીઆઇ સંજય ગામેતીએ ૨૨ જેટલી બેન્કોમાં તપાસ કરાવતાં આઇસીઆઇસીઆઇ બેન્ક અને બેન્ક ઓફ બરોડામાં ટેન્સાઇલ સ્ટીલ કંપની, અમિત શાહઅને ભાવેશ અમીનની કંપની વચ્ચે રૃ.૧૨૧ કરોડના ટ્રાન્જેક્શન મળી આવતાં તેની વધુ તપાસ કરવામાં આવી રહી છે.
