બગોદરા હાઈ-વે પર કાર પાછળ ટ્રક ઘુસી જતા બાળકનું મોત | Child dies after truck rams into car on Bagodra Highway
પરિવારના
સભ્યોને ઈજા થતા હોસ્પિટલે ખસેડવામાં આવ્યા
પરિવાર
કારમાં સાળંગપુરથી દર્શન કરી પોતાને ગામ જઈ રહ્યા હતા ત્યારે ગંભીર અકસ્માત
સર્જાયો
ભાવનગર –
બગોદરા હાઈ-વે પર કાર પાછળ ટ્રક ઘૂસી જતા ૧૩ વર્ષના બાળકનું
મોત થયું હતું. જ્યારે પરિવારને ઇજાગ્રસ્ત હાલતે હોસ્પિટલે ખસેડવામાં આવ્યા હતા.
ડભોઇ
તાલુકાના ટીંબી ગામે રહેતા મલકેશભાઈ ચંદ્રકાંતભાઈ પટેલ અને તેના પત્ની બીજલબેન તથા
બહેન વિભૂતિબેન તથા માતા ચેતનાબેન,
પુત્ર ભવ્ય પુત્રી હરિની અને ભાણિયો વ્રજ અને ભાર્ગવ સાળંગપુરથી
(કાર નંબર જીજે-૦૬-પીએસ-૪૦૬૯) લઈને પોતાના વતન તરફ જઈ રહ્યા હતા. તે દરમિયાન
બગોદરા હાઈ-વે રોડ પર સ્પીડ બ્રેકર આવતા કારને ધીમી પાડી બ્રેક મારી હતી તેવામાં
પાછળથી (ટ્રક નંબર જીજે-૩૨-વી-૪૩૦૦)ના ચાલે કે પોતાનું વાહન પૂરઝડપે અને
બેફિકરાઈથી ચલાવી કારની પાછળ ઘુસાડી દઈ કારને પલટી ખવડાવી દીધી હતી. કારમાં સવાર
પરિવારને ગંભીર ઈજા પહોંચી હતી. કારમાં સવાર તમામ
ઇજાગ્રસ્તને ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા. જ્યાં ૧૩
વર્ષના ભવ્યને માથામાં ગંભીર ઈજા થતાં સારવાર દરમિયાન તેનું મોત નિપજ્યું હતું. આ
બનાવ સંદર્ભે મલકેશભાઈએ ટ્રક ચાલક વિરુદ્ધ ધંધુકા પોલીસ મથકમાં ફરિયાદ નોંધાવતા
પોલીસે વધુ તપાસ હાથ ધરી છે.
