गुजरात
છાયાપુરી-પિલોલ વચ્ચે બ્લોકને કારણે કેટલીક ટ્રેનો પ્રભાવિત, વડોદરા-દાહોદ મેમુ આંશિક રદ | Some trains affected due to block between Chhayapuri Pilol Vadodara Dahod MEMU partially cancelled
Western Railways : પશ્ચિમ રેલવેના વડોદરા મંડળ હેઠળ વડોદરા-ગોધરા રેલખંડ પર છાયાપુરી અને પિલોલ સ્ટેશનો વચ્ચે આવેલા બ્રિજ નંબર 10A પર હાલના સ્ટીલ ગર્ડર્સને પી.એસ.સી. (PSC) સ્લેબથી બદલવાની કામગીરી માટે ટ્રાફિક બ્લોક લેવામાં આવનાર છે.
આ કામગીરીને કારણે આવતીકાલે તા.14 જૂનના રોજ કેટલીક મુસાફર ટ્રેનોના સંચાલન પર અસર પડશે.
વડોદરાથી દાહોદ જતી વડોદરા-દાહોદ મેમુ 14 જૂનના રોજ વડોદરા અને ગોધરા વચ્ચે રદ રહેશે.
તે ઉપરાંત ઉધનાથી હસનપુર રોડ જતી ઉધના-હસનપુર રોડ સ્પેશિયલ ટ્રેન 14 જૂનના રોજ 2 કલાક 15 મિનિટ મોડી એટલે કે રી-શેડ્યૂલ કરીને દોડાવવામાં આવશે.
રેલવે તંત્ર દ્વારા મુસાફરોને ટ્રેનના સમય, સ્ટોપેજ અને સ્થિતિ અંગેની માહિતી માટે ભારતીય રેલવેની સત્તાવાર વેબસાઇટ તથા રેલવન એપની મદદ લેવાની અપીલ કરવામાં આવી છે.
