તળાજા તાલુકાના ખંઢેરા ગામના ઉપસરપંચને ફોનમાં ધમકી મળી | Upsarpanch of Khandhera village in Talaja taluka received a threat over the phone
દાઠા પોલીસ મથકમાં ગુનો નોંધાયો
ખંઢેરા ગામમાં રેતી કાઢવા મુદ્દે મધુવન ગામના શખ્સે ફોનમાં અપશબ્દો કહી
ધમકી આપી
તળાજા
– તળાજા તાલુકાના ખંઢેરા
ગામના ઉપસરપંચને મધુવન ગામના શખ્સે ખંઢેરા ગામમાંથી રેતી કાઢવા મામલે અપશબ્દો કહી
ધમકી આપ્યા અંગેની પોલીસ ફરિયાદ દાઠા પોલીસ મથકમાં નોંધાતા પોલીસે ગુનો નોંધી
આગળની તપાસ હાથ ધરી છે.
તળાજા તાલુકાના ખંઢેરા ગામના ઉપસરપંચ ગુલાબસિંહ જસુભા રાઠોડે દાઠા પોલીસ
મથકમાં જયુભા ઉર્ફે બોસ (રહે.મુધવન, તા.તળાજા) સામે ફરિયાદ નોંધાવી
હતી. જેમાં ગતરોજ સાંજના ૪.૧૫ કલાકના અરસામાં તેઓ તથા તેમના ગામના સરપંચ મહેશભાઈ
શિતળામાના મંદિર બાજુમાં પાણીની પાઈપ લાઈન નખાવતા હતા તે દરમિયાન તેમના ફોનમાં
જયુભા ઉર્ફે બોસ મધુવનનો ફોન આવ્યો હતો અને તેણે ફોનમાં ‘ખંઢેરામાં
રેતી કાઢે તો તું આડો કેમ આવે છો, રેતી તારા બાપની છે?ત્યાં રેતી કાઢે ઈતો કાઢશે જ પરંતુ હવેથી મારુ ટ્રેક્ટર પણ આવશે રોકાવી
લેજે તારે કેવું હોય તેને કહી દેજે અને જ્યાં ફરીયાદ કરવી હોય ત્યાં કરી દેજે‘
તેમ કહી ફોનમાં અપશબ્દો કહી ધમકી આપી હતી. આ અંગે દાઠા પોલીસે ગુનો
નોંધી આગળની તપાસ હાથ ધરી છે.
