વડોદરા પાલિકા દ્વારા પાણીના કરકસરથી ઉપયોગની અપીલ, વારંવાર જાણ કરવા છતાં સ્થિતિ ‘જૈસે થે’ | Vadodara Corporation appeals for economical use of water
Vadodara Water Shortage : આગામી ચોમાસાની ઋતુના પ્રારંભને હજી એકાદ મહિનાની વાર છે ત્યારે શહેરભરમાં પીવાના પાણીનો કરકસરથી ઉપયોગ કરવા પાલિકા તંત્ર દ્વારા વિનંતી કરવામાં આવી છે જ્યારે બીજી બાજુ હરણી વિસ્તારમાં વોર્ડ 4માં આવેલ વિજયનગર ખાતે છેલ્લા ચાર-પાંચ દિવસથી લાઈન લીકેજના કારણે હજારો લિટર પાણી ગટરમાં વહી જવા છતાં તંત્રની આંખ ઉઘડતી નહી હોવાનો વિડિયો વાયરલ થતા ચર્ચાનો વિષય બન્યો હતો.
ઉલ્લેખનીય છે કે શહેરને પાણી પૂરું પાડતા આજવા સરોવરની પાણીની સપાટી 206 ફૂટથી ઘટી છે. મહીસાગર રાયકા દોડકા ખાતેથી પણ પાણીની આવકમાં ઘટાડો થયો છે પરિણામે પાલિકા તંત્રએ આગામી એક મહિના માટે પાણીનો કરકસરથી કરવા માટે અપીલ કરી હતી. દરમિયાન હળની રોડના વોર્ડ-4માં આવેલ વિજયનગર ખાતે છેલ્લા ચાર પાંચ દિવસથી પાણી લીકેજ થતા હજારો લીટર પીવાનું પાણી ગટરમાં વહી રહ્યું છે. એક તરફ પાણી બચાવવા તંત્રની અપીલ અને બીજી તરફ પાણીના વેડફાટની આ વિગત પાલિકા તંત્રની કુલ છતી કરે છે. આ અંગે સ્થાનિક સિનિયર સિટીઝને જણાવ્યું હતું કે, પાણીના આ વેડફાટ અંગે પૂર્વ વિભાગના અધિકારીઓ અને સ્થાનિક હોદ્દેદારો સતત આ ખાડા કામ કરી રહ્યા છે. વારંવાર જાણ કરવા છતાં પણ લીકેજ બંધ કરવાની તંત્રને ફુરસદ નથી. જાણે કે ટેન્કર રાજને આડકતરી રીતે સમર્થનથી સ્થાનિક રહેશોમાં નારાજગી વ્યાપી હોવાનો આક્ષેપ તેમણે કર્યો હતો. પીવાના પાણીનો આ રીતે છેલ્લા ચાર પાંચ દિવસથી બગાડ થઈ રહ્યો છે. હવે વહેલી તકે આ લીકેજ બંધ થાય તેવું પણ સિનિયર સિટીઝને જણાવ્યું હતું.
